KABANATA 22

PAGKATAPOS ng paglalakad ng mga sampung minuto, ay dumating sina Athena at Marco sa libingan ng kanilang lolo. Nang huling pumunta si Athena sa puntod ng Lolo niya ay noong nakaraang mga buwan pa, marami nang mga damo sa harap ng libingan nito. Agad niyang sinimulang alisin ang mga damo kasama si Marco.

Habang ginagawa nila ang pag-aalis ng mga damo ay tahimik lang ang dalawa. Simula kaninang pag-alis nila sa bahay ay parang na putolan sila ng dila at hindi makapagsalita.

Panay ang nakaw na tingin ni Marco sa kay Athena habang binubunot ang bawat damo na nasa likod ng puntod ng Lolo Teodoro nila, samantalang si Athena ay nasa harap nito. May dala rin silang walis tingting at tambo, pati dust pan para pagkatapos bunutin ang mga damo ay wawalisan nila ang paligid, pati na rin ang puntod nito dahil puno na ito ng alikabok.

Habang panay ang pasimpleng tingin ni Marco kay Athena ay naalala niya kanina ay pina praktis niya na sa kanyang isipan ang sasabihin nito. Ramdam niya na may tampo