KABANATA 25

AGAD umalis sina Athena at Marco ng matapos silang kumain sa batchoyan ni Aling Nadia. Dumaan rin sila sa palengke upang mamili ng lulutuin ni Athena sa hapunan nila. Nakasunod lang si Marco sa likod ni Athena habang namimili ng gulay na pangsahog niya sa sinigang na lulutuin niya ngayong gabi.

Si Marco ay may hawak na mga plastic bag sa magkabilang kamay niya.

“Okay na ba lahat ng ito Marco?” tanong naman ni Athena dito.

“Oo naman okay na ito, dami na nga eh!”

“Talaga lang ha, sigurado ka?”

Tumango ng ulo si Marco at sabay na itinaas ang dalawang kamay niyang may hawak ng mga supot ng gulay at karne na pinamili nila ni Athena.

“Kunti lang ba ito sa tingin mo? Huh?”

Napangisi na lang si Athena sa tanong ni Marco ng makita niyang marami na ang napamili nila.

“Oo nga ano, marami na nga kaya halika ka na at umuwi na tayo, “ nakatawang tugon ni Athena at lumapit rin sa Marco para kunin ang ibang supot, “akin na ang iba at ako na ang magdadala.”

Pero si Marco iniwas niya ang mga kam