KABANATA 31

HINDI na namalayan ni Athena na nakatulog na pala siya habang umiiyak sa sobrang sakit na nararamdaman. Ni hindi niya nga maalala paano siya nakapunta sa kanyang kama basta ang alam niya ay hindi niya mapigilan umiyak ng umiyak, kahit anong pigil niya sa kanyang sarili, walang humpay ang mga luha niyang panay ang agos sa kanyang pisngi.

Iniisip niya tuloy na sobrang mugto at namumula ang kanyang mga mata dahil sa iyak. Pero wala siyang magawa. At wala siyang pwedeng sisihin kung hindi ay sarili niya rin. Napahilot siya sa kanyang sentido habang panay niyang pinipilit ang kanyang mga matang magmulat ng malaki. Nararamdaman niya pa rin kasi ang bigat ng mga talukap nito.

Napatingin rin siya sa table kung saan niya pinatong ang kanyang timplang gatas. Ni hindi niya na nga ito nainom kaya sayang at itatapon niya na lang mamaya. Pero bago pa naman tuluyang nakabangon si Athena ay halos tumalon siya sa gulat ng may nagsalita.

”Good morning, at mabuti gising ka na, finally.”

Nang marinig