KABANATA 37

NANG gabing iyon ay nagyaya si Mikael sa kina Sandro, Damien, at Bryan na magkita sila sa bar kung saan palagi silang tumatambay. Nauna na si Mikael doon kaya ng dumating ang tatlo na magkakasunod ay halos lasing na ng nadatnan nila ito.

“Mga kapatid mabuti naman at dumating na kayo! Ito uminom kayo ako ang bahala!” sabi nito habang tinataas pa ang baso nitong may laman na whiskey. Ilang bottle na rin ng whiskey ang naubis ni Mikael na nasa table nito ang halos ubos na kaya di na rin sila nagtataka kung bakit lasing na ito kaagad.

“Ano ba ang problema nito?” tanong ni Sandro habang kamot ang ulo nito.

“Ano pa ba sa tingin mo?” nonchalant na sagot ni Damien at umupo ito sa tapat nang mahabang sofa na kasalukuyang inuupuan ni Mikael. Si Bryan naman at si Sandro ay pinagitnaan si Mikael at inakbayan pa ito ni Sandro at tinanong.

“Bro, may problema ba?”

Irritable namang kinuha ni Mikael ang kamay ni Sandron nakaakbay sa kanya, “ Tsss, ano ba!” sabi nito at napatingin sa kay Sandro t