CHAPTER 1

"Good evening, guys!"

"Good evening, Sir."

Kita ko ang mga ngisi sa labi ng mga kaklase kong babae. Mukhang pare-pareho kami ng iniisip. Sa sobrang busy namin sa pagsagot sa mga problema ng agham at matematika, nakalimutan na naming may puso kami. Ito na yata ang sign para muling buksan ang puso.

"By the way, I'm Engr. Patricio Cy. You can call me Sir Ricci and I'll be your instructor for Surveying subject. My reference is Elementary Surveying by Juny Pilapil La Putt. Kung gusto niyong pumasa sa subject na 'to, you must have scientific calculator. I recommend 991-ES para hanggang board."

Hmm, Engr. Patricio Cy. Noted, baby Ricci or I must say, baby boy.

Dami pang sinabi ni Sir hanggang sa discussion. Mukhang madugo ang subject na 'to, pero mukhang mas dudugo ang labi ko kakakagat.

Ang hot! Ang gwapo niya! The way he smile and his posture. Singkit, katamtamang tangos ng ilong, makapal na kilay, and I guest he is 5'8 or so. Mukhang nasa 4-5 years lang ang gap namin.

"Anong nginingiti-ngiti mo diyan?" usisa ni Joy.

"Ang gwapo ni Sir. Kinikilig ako!" I giggled.

Inilabas ko ang phone ko at kinuhanan si Sir ng picture habang nakaupo at binubutingting ang laptop niya.

"Hoy! Pinagnanasahan mo si Sir, ha!" tukso ng kaklase kong babae.

Nakita niya siguro ang ginawa ko pero ganoon din naman siya kanina. Remembrance lang naman ito.

"Ikaw din naman, ah? Nakita kita kanina."

"Oo na, 'wag ka maingay baka marinig tayo," sabay ngiti niya nang pagkatamis-tamis.

Parang ayaw ko na umuwi kaso alas-nuebe na. Kailangan na naming lumabas dahil nagsaway na ang checker. Palong-palo si Sir magturo, pero wala namang kaso. Nag-e-enjoy naman kami sa tanawin kahit hindi na pumapasok sa isip namin ang mga sinasabi niya.

Gusto ko na agad mag-Lunes kaso may exam pala kami sa Chemistry sa Tuesday. Ang hirap talaga noon. Para akong nag-iihaw ng sabaw.

"Sa library tayo?" si Les na katatapos lang magligpit ng gamit.

"Sige, pero kain muna tayo?"

Tambay lagi si Les sa library. Napakasipag talaga mag-aral at matalino rin. May love life pa. Sana lahat.

"Belle, kain tayo? Saan ka mamaya?"

"Sa library, Callie. Kasama ko si Les."

Ang daming tao sa lagoon ng ganitong oras, kaya nakisiksik kami sa mga estudyante. Malapit na rin kasi mag-lunch. 

Pumwesto kami sa lilim. Maganda naman dito sa lagoon kaso marumi. Napabayaan na sa nagdaang taon. Inaayos nga ang kalahati. Nakakapang-hinayang na pinutol nila ang mga puno.

"May exam mamaya sa Calculus. Magr-review kayo?"

"Oo naman, Callie," natatawang sabi ni Les. "Tigas naman namin kung hindi."

"Palibhasa kasi kahit lagi kang absent, may nasasagot ka pa rin."

Totoo namang matalino si Callie. Ewan ko ba diyan kung bakit laging absent. Naka-dorm naman.

"Matutulog lang ako saglit sa dorm tapos papasok ako maaga para makapagbasa," si Joy.

Baka next month pa kami makalipat ni Les sa apartment. Nakakapagod din kaya bumyahe araw-araw kaya pinilit ko talaga sila mama. Noong una, ayaw nila akong payagan dahil delikado raw. Hindi na naman ako bata, kaya ko na sarili ko.

"Trike na tayo?" si Les na nakaangkla na naman sa braso ko.

Bakit ba kasi layo-layo ang mga building dito? Ang init kaya. Sayang pamasahe, nagtitipid ako, eh.

Pagpasok namin sa library ay nakaramdam kami ng ginhawa. Buti na lang air-conditioned ito. Nakakapaso ang init sa labas. Parang may training papuntang impyerno.

I reviewed my notes for an hour. At dahil hindi naman ako mahilig talaga magsulat ng notes, nanghiram na rin ako kay Les. Kahit yata paghinga ng prof, nair-record niya.

Wala pang dalawang oras ay tumigil na ako. I want to sleep. Nakakaantok mag-review, to be honest. Hindi naman kasi ako pala-aral kagaya nito ni Les. Subsob siya sa pagbabasa kaya marami ring laman ang utak.

Pinagmasdan ko si Arnold at Jessica na katapat namin at pareho nang may hawak ng cellphone. Kinuha ko na lang din ang akin at ch-in-eck ang aking social media accounts. May ilang mensahe mula sa mga kaibigan ko.

Lassie: Movie marathon tayo mamaya?

Echo: Sa bahay ulit.

DJ: Sige, sagot ko na milktea.

Buti pa 'tong mga 'to ay sembreak buong January. Hindi na tuloy ako nakakasama gumala. Kailangan ko rin naman mag-unwind.

"Nandiyan na si Sir, guys," dungaw ni Eric sa library kaya naman nagligpit na kami ng gamit.

"Ready ka na?" tanong ni Les.

"Medyo. Sana madali lang."

"Kayang-kaya mo 'yan. Ikaw pa ba?"

Napangiti na lang ako. My friends here are really the best. I haven't feel much care like this in my life, ngayon pa lang.

Magsisimula na ang exam pero si Joy pa lang ang nandito.

"Si Callie?" tanong ko kay Joy na nagbubuklat pa lang ng kaniyang notes.

"Papunta pa lang daw."

Late na naman pero perfect na naman 'yon sa exam panigurado. May scientific calculator yata iyon sa utak, eh.

Pagkabigay ni Sir ng papel ay nagsagot agad ako. Nagsimula muna ako sa pinakamadali. Ang iba ay hinulaan ko na lang. Sana naman may points ang effort. Ang haba kaya ng sagot sa iba. Nakakatamad tapusin.

Nang mapiga ang utak ko at wala na talagang masagot, yumukyok na lang ako sa mesa. Ang hirap naman nito.

"Kamusta ang exam?"

"Lesliana, buti pa ang exam kinamusta mo tapos ako hindi."

"Alam kong kaya mo."

Niyakap ko na lang siya kasi nakaka-drain 'yong exam. Nakita kong nanlulumo rin si Joy. Inantok yata kaya hindi nakapag-aral.

"Ok lang 'yan, Joy. Bawi next time! May Chemistry pa," pag-aalo ko sabay tapik sa balikat.

Gabi na at balak ko sanang magpasundo kay papa kaso 'wag na lang. Mukha namang mabilis lang ang biyahe dahil 7:30 na rin ng gabi.

"Ingat ka, Belle," Callie patted my head.

"Bye!"

Naglalakad ako papuntang sakayan nang may umakbay sa 'kin. Si Aying pala. Nakakakaba. Baka next time, may umakbay sa akin sabay labas ng kutsilyo. Nakaka-paranoid talaga sa Manila.

"Belle, kain tayo kwek-kwek."

At iyon nga ang ginawa namin bago niya ako ihatid sa sakayan. Kumain lang kami ng kwek-kwek at nilibre niya ako ng ice cream, dahil hiniram niya ang registration card ko last week para makapasok sa campus ang girlfriend niya.

"Thank you rito, ah. Kahit hindi naman kailangan."

"Suhol ko 'yan sa 'yo."

"Bye, Aying. Ingat."

Nagd-dorm din kasi siya malapit sa school kaya okay lang na gabihin. Hindi na rin ako sumama sa bonding naming magkakaibigan dahil pagod na ako. May pasok pa kami bukas.

Nagdaan pa ang ilang mga araw at hindi ko namalayang Lunes na. Ayos naman ang ibang subject sa akin gaya ng Civil Oriention at Physics. Madali ko namang nakukuha.

PE namin ngayon kaya babad kami sa arawan. Kumikinang ang morena kong balat dahil sa pawis at araw. Pinili naming maupo sa bench sa tapat ng pool. Nagtatawanan na lang kami dahil tapos na ang itinuturong sayaw ni Ma'am. Kailangan ko nang magpalit dahil may klase kami kay Engr. Cy mamaya. Dapat presentable ako tingnan.

Habang naglalakad pabalik sa building, para akong nakalutang sa alapaap. Kahit maalinsangan ang paligid ay nagagawa ko pang maglaro sa araw.

"Sana pumasok si Sir mamaya," sabi ni Les.

"Oo nga. Sayang paghihintay niyo kung hindi."

"Papasok ang baby ko, Callie. Miss ko na siya."

Nagtawanan lang sila sa sinabi ko.

It's been a week! Miss ko na talaga siya. Gusto ko na siya makita. Noong senior high hindi ko talaga ma-gets kung bakit nagkakagusto ang mga friend ko sa teacher. Pero ngayon, mukhang nauunawaan ko na.

Kaso 7:30 na, wala pa rin si Sir. Siguro busy sa trabaho. Sana makita ko na siya ulit.

"Uwi na tayo, guys. Mukhang wala si Sir," sabi ni Eric. "Hindi rin kasi siya nagre-reply kaya pasensya na."

"Gara naman ni Sir! Dapat nagsasabi siya kung hindi siya papasok. Sayang oras!"

"Kalma, Belle. Crush mo siya, remember?" natatawang sabi ni Les.

Napasimangot na lang ako at dumiretso na ng uwi. Nakakainis. Ayaw ko ng ganito. Parang ninanakawan ako ng oras.

Sa gabing 'yon, inis akong natulog dahil sa kaniya. Naghintay ako sa wala. Nakakairita siya!

Bakit ba kita naging crush? Hindi ka naman ganoong ka-gwapo. Absent ka pa lagi. Hays.