CHAPTER 32

EWAN. Bakit naglaho na namang parang bula ang galit niya kay Gabriel. Kaunting lambing lang nito ay agad naman siyang napapahinuhod.  Sabagay, wala siya sa posisyon ngayon para magmalaki. Kailangan ni Tonet ng malaking halaga para maoperahan si Jepoy.  Kaya naman pagkatapos niyang maipaliwanag kay Gabriel ang problema ay hindi naman ito nagdalawang isip na sagutin ang lahat ng gastusin para kay Jepoy.

            “So, hindi mo talaga kapatid si Tonet?” tanong ni Gabriel nang pauwi na sila galing sa ospital.

            “Oo pero parang tunay na magkapatid na ang turingan namin sa isa’t-isa.”

            “Hindi mo na ba hinanap ang tunay mong mga magulang?”

            Nagkibit balikat siya, “Hindi na. Mas okay ng ganito. Five