KABANATA 89

Kanina pa siya tapos ayusan ng makeup artist ng kompanya ng Mama niya. Nakaupo siya sa harap ng salamin at parang tumatagos lang ang tingin sa sariling repleksiyon. Maayos na itinali ang buhok niya at walang iniwan ni isang hibla para hindi matakpan ang makinis niyang balikat. Ang mahabang gown na suot niya ay kulay pula na backless. Kahit lagpas tuhod ang haba nu'n ay mahaba naman ang slit ng damit sa left side niya kaya't mai-expose rin ang isang hita niya kapag naglalakad siya.

Napahawak siya sa kwintas na bigay ng Mama niya. May maliit na diamond pendant iyon na tinernuhan din ng diamond earrings. Para siyang nakipagtitigan sa isang estranghero habang nakatingin sa reflection niya. Hindi maikakaila ang lungkot sa mga mata niya kahit sabihin pang halos lahat ay nasa kanya na nang mga oras na iyon.

Ibang-iba na siya sa babaeng binu-bully dahil sa hindi kaaya-ayang mukha. Isang napakagandang babae na ang nakikita niya sa salamin. Isang larawan ng babaeng wala nang m