KABANATA 72

Agad na kinausap niya ang lola niya nang araw ding iyon. Wala naman daw itong sinabi kay Mrs. del Espania na kung ano pa man kahit panay ang tanong ng babae kung dapat ba siyang ipakasal nito sa isa sa mga apo nito.

Pinakiusapan niya ang lola niya na huwag nang banggitin ang pagiging "lucky charm" niya sa buhay ng mga del Espania. Nagi-guilty na rin kasi siya at ayaw niyang madamay pati ang kanyang lola.

As usual dahil Linggo nu'n ay kailangan niya uling samahan si Kyle sa pakikipag-date nito sa isa sa mga nagki-claim bilang si Mysterious woman. Sising-sisi talaga siya kung bakit pa niya naimungkahi iyon dahil inaamin niya, nagseselos na siya kapag may mga babaing umaaligid sa lalaki. Alam niyang wala pa silang opisyal na usapan tungkol sa relasyon nila pero malaki ang pag-asa sa puso niya.

Katatapos lang niyang naligo at naghahanda na siya para sa date ni Kyle. Siya kasi uli ang photographer. Kinuha niya ang pink rubber shoes na suot nu'ng gabi ng party. Iyon k