Chapter 46.1

A NIGHT IN SEOUL

Karga ni Vincent si Kreios habang paakyat sila sa penthouse nito. Nakatulog marahil ang anak niya sa pagod nang bumiyahe na sila pauwi. Habang lulan sila ng elevator, hindi niya magawang salubungin ang mga titig ni Vincent kahit pa alam niyang tinitingnan siya nito base sa repleksyon nila sa elevator.

Hindi niya alam kung paano ito pakikitunguhan pagkatapos ng mga huling sinabi ni Kreios kanina. Nakakahiya. Baka isipin nitong siya ang nagturo sa anak niyang sabihin ang mga katagang iyon. Baka isipin din nitong umaabuso sila. Arghhh! Sana lamunin na lang siya ng lupa ngayon.

"Where is his room?" Tanong nito sa kanya nang makapasok na sila sa loob ng penthouse.

Itinuro naman niya ang silid na ginagamit nila. Siya na rin ang nagbukas ng pinto para hindi na ito mahirapan pa. Maingat nitong inilapag si Kreios. Mabilis naman siyang tumalikod nang akmang haharap na ito sa kanya at nagkunwaring may ginagawa.

"Mari…"

"Uh, salamat po sa pagkarga kay Kreios at saka…goodnigh