Chapter 50

LIES

Matapos makuha ang brand ng syrup na ginagamit nila ay pumila na siya sa counter. Napatingin siya sa ilang kababaihang kinikilig habang nakaharap sa human sized standee ni Grace Wyatt. Endorser ang babae ng isang mamahaling brand ng lotion. Panay pa ang pagpapapicture ng mga ito sa standee ni Grace.

"Ang ganda niya talaga, ano? Ang swerte ng lalaking magiging boyfriend niya," ani ng babaeng kasabayan niya sa pila.

Pilit siyang ngumiti at tumango. Habang pinagmamasdan ang babae ay hindi niya maiwasang mainsecure sa gandang meron ito. Ano lang ba siya kumpara kay Grace? Parang langaw lang yata siya sa ibabaw ng kalabaw kung ikukumpara.

Ngayon ay unti-unti siyang nakaramdam ng paninikip sa kanyang dibdib at panliliit sa kanyang sarili. Hindi niya alam kung bakit maghihiwalay si Vincent at Grace. Walang sinabi si Vincent sa kanya. Hindi niya maiwasang maisip na baka hindi naman talaga ganun kaseryoso si Vincent sa mga sinabi nito. Hindi kaya tama ang iniisip niya na panakip butas lan