Chapter 49

COMPENSATION

"Mama…"

Napalingon siya at nakitang nakapangalumbaba si Kreios habang nakatitig sa kanya. Curious itong nakatingin na para bang pinag-aaralan kung ano ang laman ng isip niya.

Nginigian niya ito. "Uh, gutom ka na ba?" Pag-iiba niya ng usapan.

Umiling naman si Kreios. "Busog pa po ako. Sad po ba ikaw Mama?"

"Huh? Hindi. Bakit mo naman nasabi na sad si Mama?"

Umalis ito sa upuan na nasa harapan ng kanyang mesa at lumapit sa kanya saka nagpakandong. "Para po kasi kayong iiyak. Sad ka ba kasi nagbabye na si Mr.Nice Guy?"

Kumurap kurap siya bago marahang umiling. Hindi naman si Vincent ang iniisip niya kundi ang nangyari sa kanya sa nakaraan. Marahan niyang hinaplos ang noo nito. "Hindi sad si Mama, okay?"

"Kung ganun bakit po kayo nakasimangot?"

Hinalikan niya ang noo nito at niyakap. "May iniisip lang si Mama anak pero hindi ako sad."

Bumukas ang pinto at sumilip mula doon si Nica na kapatid ni Noel. "Excuse me po Ate Mari, may naghahanap po sa inyo."

"Sino?"

Lumingon si Nic