Kabanata Seventy-Five

LUMIPAS ang mga araw na hindi ko alam kung ano ang nangyari kahapon kung panaginip nga lang ba iyon o totoong nangyari.

“Ate Helena, ayos ka lang po ba? Lumilipad na naman ang iyong utak,” pagpukaw sa aking diwa ni Nina.

“Ah, ayos lang ako. May iniisip lang ako,” pagdadahilan ko.

“Ano po ba ‘yang iniisip mo at tila hindi mo po mahanapan ng kasagutan?” tanong ni Nina.

Akmang sasagot na sana ako nang marinig namin ang malakas na hiyaw ni Lito.

“Nagsisimula na naman sila,” wika ni Nina.

Ilang gabi na rin ang nagdaan at gaya ng inutos ni Mateo ay walang gabi na hindi sila sinasamantala ng mga Guardia Civil na ginawang libangan ang pambababoy kay Lito. Hindi lang pala kami ang may galit sa kanya kun'di halos ng mga narito sa Fort San Felipe dahil pagmamalabis niya. Hindi nila nagawang manlaban o kahit sinubukan man lang dahil sa takot na baka si Mateo ang makalaban nila pero ngayon na nananggaling na sa kanya ang utos ay nagkaroon na sila ng lakas ng l