Kabanata 13 : Part 1

NAIHATID siya ni Billy sa apartment pagkatapos ng laro pero hindi pa rin nakauwi ang kaibigan. Naghintay siyang katukin siya nito sa silid kung sakali mang dumating ito sa gitna ng gabi, yakapin hanggang makatulog siya, pero walang Mark na dumating nang gabing iyon.

Hinagod ni Eselle ang kanyang buhok at hinilot ng marahan ang sentido. Sa pagkakaalala niya ay matapos ng laro ay si Shiela ang kasama nito. Mapakla siyang natawa at mayamaya'y nagbuntong-hininga. Of course, Mark was with Shiela! Ano pa nga ba? He was always with Shiela kapag hindi siya ang kasama. At base sa nakikita niya, Mark and Shiela could be a very good couple.

Bahaw siyang napangiti. "Baka nga sila na ngayon eh, making love—" Bigla niyang hinaraya ang posisyon ng dalawa na nag-uungulan. Napangiwi si Eselle at eksaheradang winasiwas ang mga kamay kasabay ng marahas na pag-iling ng kanyang ulo. "No! Hindi puwede! Hindi..."

Hanggang sa hinuhang iyon ay nadala niya sa pagtulog. Malamyang napabangon si Eselle kinabukasa