Lera, the inggetera

Dalawampung minuto ang nakalipas.

Dahan-dahang huminto ang kotse sa Villafuerte Mansion. Si Princess Sky ay ayaw magpabuhat. Hinawakan niya ang upuan, dahan-dahang bumaba ng kotse, at tahimik na naglakad sa unahan. Tahimik namang sumunod si Dominci. Pagpasok ng mag-ama sa loob, may narinig silang tawag...

"Princess Skylei!" Nasa sala si Lera, abalang nag-scroll sa kanyang cellphone. Nang marinig niyang may pumasok, itinaas niya ang kanyang mga mata at sumulyap.

Nang makita niya si Sky, agad siyang tumakbo at niyakap ang batang babae, "Nandito ka na! Bakit ka umalis nang walang paalam? Nag-alala si Tita! Ayos ka lang ba? May sugat ka ba?" Habang nagsasalita, sinuri niya ang katawan ng batang babae nang may pag-aalala. Hindi inaasahan ni Sky ang pagkakayakap sa kanya at sandaling natigilan.

Narinig niya ang mapagpanggap na boses ni Lera at unti-unting lumamig ang kanyang tingin. Alam ni Sky na nagpapanggap ang kaniyang tiyahin. Alam naman nito kung bakit siya umalis sa bahay. Kung hindi