Chapter 127

SA UMAGANG iyon ay paalis na si Zia patungo sa airport. Nakasakay na siya sa kotse at hinihintay na lamang matapos ang driver sa paglagay ng luggage sa trunk. Pero hindi lang si Lito ang pumasok sa sasakyan dahil maging si Louie ay naupo sa kanyang tabi.

"Anong ginagawa mo?"

"Sasabay na 'ko't gusto kitang ihatid sa airport," tugon ni Louie.

"Pero mali-late ka sa trabaho."

Hindi nagsalita si Louie kaya wala na rin nagawa si Zia at hinayaan ito, tutal ay pinagbigyan siyang bumiyahe ng mag-isa patungong sa Cebu.

"Tatawag ako sa'yo pagdating mo roon," kausap ni Louie sa asawa.

Ilang oras ang dumaan at narating na nila ang airport. Hinatid pa rin siya ni Louie hanggang sa loob.

"'Wag mo na akong hintaying makasakay," ani Zia na tinulak-tulak na ito palayo.

"Mag-isa ka lang dito."

"Louie! Super late ka na sa trabaho mo," pagalit na wika ni Zia.

Napabuntong-hininga si Louie saka nagpasiya ng umalis. "Mag-iingat ka, i-update mo 'ko oras-oras, 'kay?" Sabay halik sa noo at labi ni Zia.

Pagkaali