Chapter 133

ILANG MINUTO ang lumipas nang masinagan ng ilaw na nagmumula sa isang lumang tricycle ang katawan ni Zia. Nawalan na ito ng malay dahil sa dinaranas na sakit. Ang hita ay may bahid ng dugo kaya inakala ng tricycle driver na nasugatan ito.

"Jusko! Anong nangyari sa kanya?!" saad ng babaeng pasahero. "Tulungan natin at buntis pa naman," aniya sa driver.

Kaya pinagtulungan ng dalawa na buhatin si Zia at madala sa pinakamalapit na ospital.

"Tulong, nakita naman siya sa may daan na duguan!" untag ng pasahero matapos makarating sa ospital.

"Hindi niyo po siya kilala, Ma'am?" tanong ng Nurse.

Umiling ito at saka naman binigay ang bag ni Zia na kinuha nila mula sa kotse. "Ito ang bag at cellphone niya, kayo ng bahalang komuntak sa kamag-anak niya't kailangan na naming umalis."

Tumango naman ang Nurse at matapos ay saka na umalis ang dalawang estranghero.

Bumalik ang Nurse sa counter saka naghanap ng impormasyon tungkol kay Zia nang biglang tumunog ang cellphone.

"Hello?"

"Zia, hindi