Chapter 31: Just The Start

Sumama ako kay Ruan. Wala akong naging pakialam sa suot ko at nagpahila na lang sa lalaki. Gusto kong malaman kung ano ang nangyari. Gusto kong malaman kung paano sila naging masaya noong gabing 'yon.

He took me inside his room. Hindi ko nagawang ilibot ang paningin ko sa loob ng kuwarto niya dahil hinila niya agad ako papasok sa loob ng isang itim na pinto.

And there, I saw multiple screens showing every side of the mansion.

“Sit down.”

Sinunod ko siya. Umupo ako sa itim na swivel chair sa harap ng napakaraming screen. Nakita ko pa ang pagsakay sa elevator ng apat na lalaki niyang kaibigan papunta sa fourth floor. Hindi ko na sila nasundan nang kalikutin na ito ni Ruan.

Suddenly, bigla kong nakita ang ginagawa namin ngayon sa pinakamalaking screen na naroon. Ilang segundo lang ang itinagal nang makita ko na ang nangyari bago pa man sila umakyat ni Solene sa kuwarto niya noong gabing 'yon.

Solene was crazily dancing in front of Ruan, Haiver, and Caiusent. Halatang lasing ang baba