Detrimental Bullets Of Love (Duology 02)

Kasalukuyang nakatayo ang matangkad at makisig na binata sa tabi ng kanyang kama. Naksuot ito ng simpleng titanium basic tees kapares ang isang itim na cargo shorts. Sa simpleng pananamit nito ay masasabi mo ng napakalakas ng dating niya sa mga kababaihang kaedaran nito. Makapal ang kanyang mga kilay at mapupungay ang mga mata tsaka matangos ang ilong. Matataba ang magkabilang pisnge tsaka may perpektong hugis ng panga at may mapuputi at maayos na ngipin bagay na mas lalong nagpapalakas ng kanyang dating. Masaya nitong pinagmamasdan ang isang dilag na mahimbing na natutulog. Kontentong-kontento na ang kanyang puso habang nakatingin lamang sa babaeng mahal niya. Maya-maya pa ay bahagyang napangiti ang binata sa sarili bagay na ikinailing nito bago wala sa sariling napasulyap sa labas ng kanyang bintana. 

Ang gabing malalim at ang malamig na simoy ng hangin habang patuloy na isinasayaw ang bawat sanga at berdeng dahon ng mga matatayog at matataas na mga puno at magagandang mga halaman ang unang bumungad sa kanya. Nakakahalinang pakinggan ang huni ng mga ibong malayang nagliliparan sa malawak na kalangitan. Nakakagaan sa pakiramdam na pagmasdan ang mga mumunting liwanag na binibigay ng mga kuliglig sa iba't-ibang parte ng kalawakan. Ang maliwanag na kalangitang nagbibigay ningning sa kadiliman na pumapalibot sa kabuoan ng mundo ay nagbibigay pag-asa sa bawat tao. Pag-asang bumangon kahit ilang beses nang paulit-ulit na nadadapa. Pag-asang minsang pinagdududahan ng lahat. Pag-asang hindi mo sukat akalaing darating ulit sayo. Madilim man ang buhay mo, magulo man ang mundo, mawalay man sa iyo ang taong mahal mo, darating at darating pa rin ang araw na may iisang taong bubuhay ulit sa iyo. Hindi man ito tulad ng inaasahan mo, ngunit nasisiguradong siya ang babago sa'yo. 

"Wake up, Miel," panggigising ng binata sa dilag na mahimbing na natutulog. Bahagyang kumunot ang noo ng dalaga kasabay ng pagsalubong ng mga kilay nito habang nakapikit pa rin ang mga 

Nakagat na lamang ng binata ang pang-ibabang labi upang pigilan ang kilig na nararamdaman. Simpleng pagkilos lamang ng babaeng mahal niya'y sapat na upang maapektuhan ang buo niyang pagkatao. Lumapit ang binata sa dalaga tsaka umupo sa tabi nito. Dahan-dahan niyang inangat ang isang kamay upang ilagay sa likod ng tainga ng dalaga ang ilang hiblang buhok na tumatabing sa kanyang mukha. Bahagyang pumula ang ilong ni Kai matapos mapagtantong napakaganda ng dilag na nasa kanyang harapan. 

Pangarap niya itong pakasalan. Pangarap niyang magkaroon ng masayang pamilya sa kanya. Pangarap niyang makasama ito habang buhay, pero hindi iyon ang pangarap ng tadhanang nakasunod sa kanila. Napakaswerte na lang niya dahil sa kanya napunta ang dalagang ito. Napakaswerte niya dahil nakilala niya ito kahit pa kapalit nito ang kanyang totoong pagkatao. Dahan-dahang bumaba ang palad ni Kai papunta sa pisnge ng dalaga tsaka ito marahan, maingat at masuyong hinaplos gamit ang kanyang hinlalaki. Napakapula at napakakinis ng kanyang morenang balat. Napakaganda tignan at napakaliwanag sa mga mata. 

Bahagyang gumalaw ang babaeng kaharap niya tanda na malapit na itong magising. Agad namang humiga si Kai sa tabi ng dalaga tsaka dahan-dahan at marahang iniyakap ang braso sa bewang nito bago hinapit papalapit sa kanya dahilan upang magdikit ang kanilang katawan sa isa't-isa at maghalo ang kanilang sariling pabango bagay na mas lalong ikinangiti ng binata. Maingat na sinusuklayan ni Kai ang mahaba at malambot na buhok ng dalaga gamit ang sariling daliri habang dinadampian ng magagaan at masusuyong h***k ang tuktok ng ulo nito. Paminsan-minsan rin ay napapapikit siya sa tuwing kumikirot ang bandang uluhan niya, kung nasaan ang sugat niya.

Maya-maya pa'y naramdaman ni Kai nang magmulat ng mga mata ang babaeng nasa tabi niya. Mabilis na kumunot ang noo ng dalaga bago dahan-dahan at pupungay-pungay ang mga matang tumingin sa lalaking katabi niya. Nanliliit ang mga mata siya nitong tinignan habang pinagmamasdang mabuti ang binata. Maya-maya pa ay awtomatikong nanlaki ang mga mata ng dalaga nang mapagtanto kung sino ang kanyang kasama. 

Napakurap siya ng ilang beses kasabay ng sunod-sunod na paglunok. Kinusot-kusot pa nito ang sariling mga mata upang siguraduhin ang nakita. Wala sa sariling nakagat ng dalaga ang kanyang pang-ibabang labi habang sabik na sabik na nakatitig kay Kai. Huminga ito ng malalim tsaka inipon ang hininga sa loob ng bibig upang ipalobo ang pisnge bago dahan-dahang pinakawalan upang pigilan ang mga luhang gustong kumawala. Kusa at madamdaming napangiti ang babae kasabay ng pagtulo ng mga luha mula sa mga mata dulot ng matinding saya at tuwa na nararamdaman sa puso.

"It's you," naiiyak at wala sa sariling sambit ng dalaga na ngayo'y hindi na maawat ang pagtulo ng mga luha. Dahan-dahang inabot nito ang pisnge ni Kai upang haplosin ang malambot nitong balat. Kusang napapikit ng mga mata ang babae habang dinadama ang init na dala ni Kai. Sa bawat haplos na ginagawa niya sa binata ay mas lalong dumarami ang mga luhang kumakawala. Masinsinan niyang dinadama ang malambot at makinis na balat ng binata, dinadama ang presensya nito, sinusulit ang oras na meron silang dalawa at inaalala ang ilang araw niyang pangungulila sa kanya, hinahanap at kinukwestyon ang sarili. Dahan-dahan niyang iminulat muli ang mga mata at diretsong tumingin sa mga mata ng binata. "I missed you," madamdamin at sinserong usal nito na mas lalo pang inilapit ang sarili kay Kai. Minsan niya pang hinaplos muli ang pisnge ng lalaking kaharap niya bago tumingin ng diretso sa mga mata ng binata.

"I missed you too, Miel." masayang-masayang tugon ni Kai at hinawakan ang kamay ng dilag na nasa kanyang pisnge. Mariing pinisil iyon ng binata kasabay ng pagkawala ng kanyang magagandang ngiti bagay na mas lalong ikinaiyak ng dalaga dulot ng matinding saya at tuwa. "Why are you crying?" Nag-aalalang tanong ni Kai tsaka umayos sa pagkakahiga at hinarap siya upang punasan ang mga luhang tumutulo sa mga mata ng babaeng pinakamamahal niya.

Sa pamamaraan pa lamang ng paghawak nito sa mukha niya, sa pamamaraan ng kanyang paghaplos sa pisnge, sa pamamaraan ng kanyang mga titig sa dalaga ay makikita mo ang purong pagmamahal na kayang ibigay ng binata. Pagmamahal na hindi mo sukat akalaing mararanasan. Pagmamahal na walang hanggaganan. Pagmamahal na hindi maikokompara kahit kanino. Mas lalong napaiyak ang dalagita nang mapagtantong napakaswerte niya't siya ang piniling mahalin ng binata. 

Mabilis na nagsalubong ang mga kilay ni Kai kasabay ng pagkunot ng kanyang noo habang nag-aalalang tumingin sa kanya. Mas lalong lumalakas ang kanyang pag-iyak sa tuwing sinusubukan nitong punasan ang kanyang mga luha. 

"Why are you crying? Hmm?" malumanay na tanong ni Kai na diretsong tumingin sa dalaga. Hindi siya nito sinagot at nanatili lamang na tahimik na umiiyak habang hindi matigil ang mga matang nakatuon sa bawat sulok ng mukha ni Kai. 

Muling pinunasan ni Kai ang kanyang mga luha tsaka dahan-dahang dinampian ng masuyong h***k ang kanyang noo bagay na kusang ikinapikit ng mga mata ng dalagita upang damhin ang sarap at init na dulot nito. Ilang minuto pang nagtagal ang mga labi ni Kai sa noo nito bago ito nagawang pakawalan upang muling yakapin ng mahigpit at ibaon ang ulo ng dalagita sa kanyang d****b para iparinig sa kanyang mahal na ang bawat pagtibok ng kanyang puso ay siya namang pagkabuhay ng kanyang pag-asang mabuhay pang muli, pag-asa na lumaban sa kahit na anong problemang darating.

Mahigpit na niyakap ng dalaga si Kai tsaka mas lalong ibinaon ang mukha sa matitipuno nitong d****b. Mabilis na umalingasaw ang nakakahalinang pabango ng binata sa kanyang pan-amoy na wala sa sariling ikinangiti nito. Nagtagal pa sila ng ilang minuto sa ganoong posisyon nang biglang basagin ni Kai ang katahimikan.

"Miel," pagtawag niya sa babaeng mahal niya tsaka bahagyang sinilip ito mula sa kanyang d****b. Mabilis naman itong nag-angat ng paningin upang tignan siya bagay na ikinangiti ng binata. "I love you," sinserong-sinserong aniya na mas lumapad pa ang mga ngiti sa labi dahilan upang biglaang pumula ang pisnge ng dalaga. Napakagat labi si Kai upang pigilan ang sarili na h'wag matawa matapos makita ang pamumula ng kanyang pisnge. Awtomatikong sinamaan siya ng paningin ng dalagita bagay na inilingan lamang ni Kai. "Come here," pangyayaya ni Kai tsaka dahan-dahang kinalas ang pagkakayakap nila sa isa't-isa para tumayo at maunang maglakad papunta sa vanity table niya.

Nagtataka siyang tinignan ng dalagita kasunod ng pagsalubong ng kanyang mga kilay. Nakita niya kung paano i*****k ni Kai ang blower sa saksakan bago kumuha ng suklay sa drawer ng vanity table. Hindi pa rin gumagalaw ang dalaga at nanatili lamang na nakahigang pinagmamasdan si Kai.

"Come on," pang-aaya ulit ni Kai na ngayo'y nakabusangot na matapos makitang hindi man lang siya gumalaw. 

Inismiran siya nito tsaka napipilitang bumangon at naglakad papalapit sa binata. Huminto ang dalaga sa harapan ni Kai bago niya ito taasan ng isang kilay. Ngingiti-ngiting tinignan naman siya ng binatilyo bago masuyong hinila ang kanyang palapulsuhan upang paupuin ito sa espasyong iniwan niya sa gitna ng kanyang mga hita. Mabilis na ipinulupot ni Kai ang isa niyang braso palibot sa bewang ng dalaga upang hapitin ito papalapit sa kanya. 

Biglaang bumilis na lamang ang pagkalabog ng puso ng dalagita matapos gawin ni Kai ang palagi niyang ginagawa sa kanya. Wala sa sariling napaangat siya ng paningin upang tignan si Kai na ngayo'y hawak-hawak na ang blower sa kaliwang kamay samantalang suklay naman sa kanan. 

"I missed doing this," ngiting aniya habang tutok na tutok ang mga mata sa kanyang pulang buhok na ngayo'y bino-blower na niya habang sinusuklayan. 

Bahagya pa itong napapatagilid at napapangiwi sa tuwing pumapasok ang ilang hiblang buhok ng dalagita sa kanyang bibig bagay na ikinatawa nito.

Hindi nila alam kung ilang minuto ang tinagal ng kanilang pagtatawanan at pagsasayahan nang biglang magsalita si Kai. 

"You need to wake up," maya-maya'y aniya sa dalaga na ngayo'y seryosong-seryoso na ang tinig. 

Mabilis siyang nagtaka sa biglaang paneneryoso ng binata.

"I am awake." Nakakunot-noong saad naman ng dalagita. Salubong ang mga kilay at nagtataka niyang tinignan si Kai na para bang hibang na hibang sa sinasabi nito. "Ano ba pinagsasabi mo?" Bahagyang nainis ito matapos ng biglaang pananahimik ng binata. 

Sa halip na sagutin siya ay may kinuhang papel at lapis ang binata sa loob ng tukador tsaka nagsulat ng kung ano roon. Hindi maintindihan ng dalaga kung bakit bigla na lang naging ganito ang kaharap niya. Nalilito at nagtataka siya sa mga kakaibang ikinikilos nito. Gusto niyang mainis pero alam niyang hindi ito tamang oras para pairalin ang inis. 

"Here," pag-aabot sa kanya ni Kai ng isang pirasong papel na maayos at malinis na nakatiklop. Napapantiskulang napatingin siya roon bago kunot na kunot ang noong napatingin kay Kai. 

"Anong gagawin ko dito?" paasik niyang tanong bago padarag na kinuha ang nakatuping papel. Binuksan niya ito tsaka binasa ang nakasulat sa loob. "What the freaking fuck is this?" Naiinis na singhal ng dalaga matapos makita ang nakasulat sa loob ng papel. 

Wala siyang maintindihan sa mga sinulat ng binata sa papel. Ni hindi niya mawari kung sulat pa ba iyon. Kunot na kunot ang noo at salubong ang mga kilay siyang tumingin kay Kai upang tanongin kung pinagloloko lang ba siya nito. 

"Your language." Pagsita agad ni Kai matapos marinig ang salitang lumabas sa bibig niya bagay na ikinairap ng dalaga. Hindi na lamang siya pinansin ni Kai tsaka dahan-dahang tumayo mula sa pagkakaupo bago siya maayos na hinarap. "I need to go," paalam ng binata at bahagyang ngumiti bagay na mas lalong ikinakunot ng noo ng dalaga. Pinasadahan ng binata ng kanyang daliri ang kanyang buhok bago napabuga ng malalim na hininga tsaka siya nginitian. "See you there." aniya na may malapad at magandang ngiti pa sa mga labi habang kumakaway sa kanya animo'y aalis na ito anomang oras. 

Magsasalita pa sana ang dalagita ngunit agad ring natigilan dahil sa nakita. Unti-unting binabalot ng kadiliman at kasakiman ang katawan ni Kai na tila isang ipo-ipong kumakain ng tao, pero kahit pa ganoon ay hindi pa rin iyon naging dahilan upang mawala ang napakagandang ngiti ni Kai. Biglaang kumirot ang sentido ng dalaga kasabay ng malakas na pag-ihip ng madilim at itim na hangin dahilan upang mahigpit siyang napakapit sa gilid ng vanity table. Sinubukan niyang tignan si Kai na ngayon ay unti-unti nang nawawala dahil sa kadiliman na bumabalot sa kanya. Mas lalong sumakit ang sentido nito lalo na no'ng makarinig siya ng nakakarinding tunog na nagmumula sa kung anu-anong makina kasunod ng malalakas na pagkalabog na nanggagaling sa kung saan. Mariing sinapo ng dalaga ang kanyang uluhan tsaka napangiwi nang maramdaman na parang pinupokpok ng martilyo ang kanyang ulo sa sobrang sakit. Muli niya pang pinalibot ang kanyang paningin para lamang makita ang kadiliman na unti-unting lumalapit sa kanya. Hindi niya alam kung anong dapat niyang gawin at wala sa sarili at dali-dali na lamang siyang umatras nang umatras na para bang natatakot na kainin ng kadiliman. Napahinto lamang ang dalaga sa pag-atras matapos maramdaman ang malamig na pader sa kanyang likuran dahilan upang habol-hininga niyang tinanaw ang kadiliman na ngayo'y mabilis nang sinasakop ang kabuoan ng silid. 

Mas lalong sumakit ang kanyang ulo kasabay ng pagbilis ng paglapit ng kadiliman sa kanya. Impit siyang napasigaw nang mas lalong sumasakit ang kanyang sentido sa bawat segundong napapalapit sa kanya ang hanging itim. Maya-maya pa ay dahan-dahan siyang napaupo sa sahig dulot ng matinding panghihina habang habol-hiningang tinignang muli ang kadiliman na ngayon ay unti-unti na siyang kinakain. Habang papalit sa kanya ang hanging itim na tila ipo-ipo ay siya namang pag-alingasaw ng hindi kaaya-ayang kemikal na amoy dahilan upang umikot ang madilim na paningin ng dalaga. Agad siyang napaupo sa sahig habang habol hiningang tinanaw ang kadiliman na ngayo'y unti-unti na siyang nilalapitan. Nakakuyom ang kamay niyang hinihintay na makalapit ito sa kanya kasunod ng pagkawalan niya ng malay tsaka padarag na bumagsak ang katawan sa malamig at sementadong sahig. Wala siyang maintindihan sa nangyayari pero alam niyang may maling nangyayari sa kanya.