CHAPTER 58

CHAPTER 58: CLEAN

"One minute na lang..." bulalas ni Kristoff bago magsimula ang break namin.

Nagdarasal pa rin siyang wala nang tatawag para makapag-lunch na kami. Kanina pa kasi kami ritong alas onse. Walang nagpapa-assist kaya nabo-bore na rin kami. Mas sanay kaming may ginagawa.

"Uy, grabe naman! Saktong alas dose pa!" Napatampal siya ng noo. Natawa naman ako nang tumunog ang teleponong nasa harap namin.

"Mag-lunch ka na. Ako nang bahala rito," paninigurado ko dahil kanina pa siya nagre-reklamong gusto na niyang kumain.

Ako na ang kumuha no'n para sagutin. "Good afternoon! Ria, speaking! What can I do for you?" masiglang bungad ko sa tumawag.

"Hindi pwede! Sasamahan kita rito. Sabay tayong maglu-lunch!" sagot ni Kristoff kaya nag-mute muna ako.

"Paano kung ma-late 'tong matapos? Walang makakapag-lunch sa ating dalawa," dahilan ko at nag-unmute. "Hello?" pagka-usap ko sa tumawag.

"Go to my office," boses ni Blake kaya napaawang ang labi ko.

Ano na namang kailangan nito?