Chapter 34

CHAPTER 34

"Nagulat nga rin po ako kanina at ang totoo po nyan hindi ko pa po talaga napaghahandaan ang ganong mga bagay. Mga bata pa naman po ang kambal at ang akala ki ay hindi pa nila maiisipan na maghanap ng ama," sagot ni Ayesha.

Nagkatinginan naman sila Rita at Cynthia saka nila malungkot na tiningnan si Ayesha na nakayuko na lamang.

"Hija hindi mo ba talaga natatandaan ang mukha ng lalakeng nakabuntis sa'yo? Baka naman may naaalala ka kahit kaunti," sabi ni Rita kay Ayesha. Umiiling naman si Ayesha habang nanatili pa rin syang nakayuko dahil hindi na talaga nya matandaan pa ang lalakeng nakasama nya ng gabing iyon kung meron man syang naaalala noon yun ay ang amoy ng lalake na yun pero malabo naman na yata na mahanap nya iyon dahil lamang sa gamit nitong pabango.

"Ano ng balak mo ngayon hija? Paano kapag tinanong ka na nila tungkol sa kanilang ama? At may balak ka pa ba na hanapin man lang ang ama nila?" sunod sunod naman na tanong ni Cynthia kay Ayesha. Napabuntong hininga nam