Chapter 42

CHAPTER 42

"May problema ba hija? Kanina ka pa nar'yan at mukhang ang lalim ata ng iniisip mo ah. Napapansin ko kasi na kanina ka pa panay ang pagbuntong hininga r'yan," tanong na ni Rita kay Ayesha ng makalapit sya rito.

Kanina pa kasi sila nakauwi galing mall at ngayon nga ay gabi na rin at nakatulog naman na kaagad ang kambal dahil sa sobrang pagod sa maghapon nilang pamamamasyal sa mall.

Nakita naman ni Rita sa kanilang terrace si Ayesha at parang hindi ito mapakali kaya naman linapitan na nga nya ito upang tanungin kung may problema ba ito.

"Po? Wala naman po. May iniisip lang po ako," pilit ang ngiti na sagot ni Ayesha sa kanyang ina.

"Ganon ba? Ano ba kasi yang iniisip mo at parang napakalalim naman ata at hindi ka mapakali kanina pa," tanong pa ni Rita sa kanyang anak saka nya ito inaya na maupo sa upuan nila na naroon sa terrace.

"Mom naisip ko lang po kasi. Yung tungkol po doon sa lalakeng nakita ni Bryan sa mall. Nagkataon lang po kaya talaga na may kamukhang kamukha ang mg