Chapter 38

CHAPTER 38

Kinaumagahan ay nagising naman si Lucas na masakit ang kanyang ulo at nagulat pa sya dahil wala sya sa kanyang condo kundi nasa kwarto nya sya sa mansyon ng kanyang mga magulang.

Napapahilot na lamang ng kanyang sintido si Lucas at naipikit na lamang nya ng mariin ang kanyang mata dahil ramdam na ramdam nya ang sakit ng kanyang ulo. Marahil ay epekto ito ng marami nyang nainom na alak kagabi at idagdag pa na mabilis syang nalasing talaga dahil matagal tagal na rin syang hindi umiinom ng alak.

Rinig naman ni Lucas ang pagbukas sara ng pinto ng kanyang silid pero hindi na sya nag abala pa na magmulat ng mata.

"Ano bang balak mo sa buhay mo anak? Pinapag asawa ka na namin ng daddy mo para naman magkaroon ng kulay yang buhay mo dahil baka sakaling kapag nagkaroon ka na ng sarili mong pamilya ay sumaya ka naman na kahit papaano. Kami na nga ang naghahanap ng mapapangasawa mo e pero ayaw mo namang pakasalan si Jessa," daldal ni Shiela kay Lucas at alam nya na gising na ito kahit