Chapter 23

CHAPTER 23

Pagkarating ni Rita sa bahay ng mga Madrigal ay sobrang lakas ng kabog ng dibdib nya at hindi nya malaman kung paano ba nya haharapin ang mga ito. Pero naisip nya na dapat na nya itong sabihin sa mga ito habang maaga pa.

Agad naman na sinalubong si Rita ng isa sa mga kasambahay ng mga Madrigal at dinala sya sa garden kung saan naghihintay sa kanya si Shiela roon.

"Mrs. Salcedo tila ata napaka importante ng iyong sasabihin at talagang sinadya mo pa talaga ako rito," agad na sabi ni Shiela kay Rita pagkarating nito.

Agad naman na nakipagbeso si Rita kay Shiela at saka sya naupo sa kaharap na upuan nito.

"Ahm. P-pasensya ka na kung naistorbo kita ngayong hapon," panimula ni Rita at saglit muna syang natigil sa pagsasalita ng dumating ang kasambahay nila Shiela na may dalang pagkain para sa kanila.

Naghihintay naman si Shiela ng susunod na sasabihin ni Rita.

"Mrs. M-Madrigal a-alam ko po na m-malaking abala itong n-nagawa namin sa inyo kaya ngayon pa lamang po ay h-humihingi na