Chapter 59

“Never be afraid to start over, it’s a new chance to rebuild what you want.”

Sa loob ng halos apat na linggong pagmumukmok at pagpapaka-busy sa trabaho, Sandro finally had enough. Sa paglipas ng mga araw, unti-unting nawawala ang sakit na idinulot ng pagtataksil sa kanya ni Vana. Hindi man ganap pang nawawala, masasabi niyang ito ay kaya na niyang tiisin.

Akala niya, aabutin pa siya ng taon o kaya ay buwan para masabing okay na siya mula sa sugatan niyang puso. Siguro, malakas lang talaga siya kay Lord. O kaya naman, sadyang naka-survival mode lang talaga ang kanyang sarili. Ika nga nila, walang lugar ang pagiging mahina, walang puwang ang self-pity.

Isa siyang Dela Vega at marapat lamang na pangatawanan niya iyon.

Kasalukuyan siyang nasa loob ng kanyang opisina at nagmumuni-muni. Iginala niya ang mga mata sa kabuuan ng silid. Napangiti siya sa kanyang sarili. Malayo na ang narating niya buhat nang mangyari ang insidenteng tuluyang tumapos ng kanyang relasyon kay Vana. Siguro para