Chapter 63

Aligaga ang bawat kasambahay sa mansyon ng mga Dela Vega noong araw na iyon dahil sa rami ng gawain. Mula sa kusina na abala ang lahat sa paghahanda ng mga putahe para sa espesyal na hapunan, hanggang sa pag-aayos ng dining area.

Si Sandro Dela Vega, ang kanilang amo, mismo ang nag-utos na gawin iyon. Ayon sa kaniya, mahalaga ang magiging hapunan na iyon para sa kanila ni Lyvette.

"Manang Anita, paki tikman na po ang sauce ng pasta. Hindi po ako sure kung ganito po ang gustong timpla ng senyorito," ani ni Kristina. Isa siya sa mga katulong na nag-aasikaso sa kusina sa pangunguna ng mayordomang si Manang Anita.

Ngumiti ang mayordoma. Tumango siya at lumapit sa babae. Inilapit naman ni Kristina ang kutsara kung nasaan ang kaunting sauce at ipinatikim sa matanda.

Ngumuso si Manang Anita at mahinang natawa nang matikman ito. "Sa wakas! Nakuha mo na ang timpla ng senyorito. Ang sarap ng pesto sauce mo!" sambit niya.

"Talaga po, Manang? Yes!! Nakuha ko rin ang tamang timpla sa wakas!" Nagl