IKASIYAM NA KABANATA

Natuod lamang siya sa kinatatayuan ng lingunin ulit siya ng kambal na parang naguguluhan sa kaniyang inaakto. Nang matauhan ay mabilis siyang tumakbo sa kinaroroonan nito.

Napasinghap naman ang babaeng katulong ng makita siya. “Isa pang Bella!”

“Magandang araw po,” nakatungo niyang bati rito. “Ako po si Hyacinth. Kambal po kami ni Bella.” Pagpapakilala niya sa kaniyang sarili sa ginang.

Napatawa naman ito na tila hindi makapaniwala. “Kung hindi lang kayo magkaiba ng damit ay hindi ko na kayo makikilala. O siya, halina kayo para naman may kausap na ang masungit na senyorito Riad.” Napatawa muna ito ng mahina sa sinabi bago nagpatiuna sa paglalakad kaya naman napasunod silang dalawa ng kapatid.

Parang sanay na si Bella sa bahay ng kaibigan dahil dirediretso na lamang itong naglalakad papasok puwera sa kaniyang halos malula sa laki at ganda ng mga dekorosayon.

Papasok pa lamang sila ay binulaga na siya ng naglalakihang estatuwa na kulay ginto. Pigura ito ng isang lalaking matikas n