IKALABING LIMANG KANANATA

Hindi na nasundan ang pagkikita nila ni Thaddues ng umagang iyon.

Na-busy rin kasi siya sa ensayo para sa kanilang graduation. Tinotoo na nga rin ng kaniyang kapatid ang sinabi nitong space na ibibigay nito sa kaniya para pagbayaran ang kasalanan nito.

Kahit hirap siya maglakad ng pabalik-balik ay ginawa niya ang lahat para maihakbang ng maayos ang mga paa. Ayaw niya na ng may nagtatanong sa kaniya kung bakit hindi siya makapaglakad ng maayos. Bata pa lang siya pero masusunog na sa baba ang kaluluwa niya dahil sa pagsisinungaling niyang hindi naman niya ginugusto pero kailangan.

Pagkatapos na pagkatapos ng kanilang ensayo para sa umagang iyon ay plinano niya nang magpahinga sa gazebo ng kanilang paaralan. Parte ito ng hardin na inaasikaso ng mga janitor. Dito ginaganap ang mga pangsosyal na pagtitipon ng buong paaralan.

Masyado kasi itong malaki. Halo na ang elementarya at sekondarya kaya naman mamahalin din ang mga nag-aaral.

Napainat siya ng braso dahil sa pananakit ng katawan