IKASAMPUNG KABANATA

Hinimas niya ang braso na pinanayuan ng balahibo nang makita niya ang ngisi ng lalaki sa kaniya. Mabuti nalang at umeksena agad ang kapatid niya kaya nabaling saglit dito ang atensyon nito.

“Ayos lang ba ‘yung noo mo, Addie?” Tanong ni Bella.

“Don't worry, I'm fine,” sagot nito at pasimpleng tinanggal ang kamay ng kapatid na nakahawak sa balikat nito.

Kulang na lang umusok ang ilong niya sa inis sa ginawa nito. Tama nga ang naiisip niyang isa itong malaking hudyo at hindi bagay rito ang pakisamahan. Parang nagsisisi na siya na pinuntahan pa ito para humingi ng pasensya. Kung hindi lang talaga siya mananagot na naman sa ama niya ay hinding hindi siya magpapakita rito ni-talampakan niya.

“I’m just worried because you are my friend, Addie,” mahinhing sabi ng kapatid at tuluyan nang hinila ang upuan at lumipat sa tabi ni Riad.

Thaddeus Siriad Vanesteri also known as Addie or Riad. Depende lang sa mood nito sa kung sino ang tatawag na Addie or Riad sa kaniya. Kaya naman hindi niya pa