Kabanata 001

PROLOGUE

“I want her!” seryosong sabi ni Capt. Xian Herrera habang titig na titig siya sa isang babaeng sumasayaw sa ibabaw ng entablado sa ilalim ng patay sinding ilaw.

“Oh…wow!  wait lang Captain ahh. Tama ba ang narinig ko? Gusto mo ang babaeng yan?” hindi makapaniwalang tanong ng kaniyang Co. Pilot na si Matteo habang kapit ang baso ng whisky sa kaniyang kamay.

Tumango si Capt. Xian Herrera ng walang kagatol-gatol.

“Teka lang Captain. Hindi ba wala ka namang interes sa mga babae pagkatapos ng nangyari sa inyo ni Yvette? At saka isa pa mukhang masyadong bata yan para sayo. Baka makasira lang siya sa career mo. Wag mo nang tangkain. Tama na tong pa chill-chill na lang tayo! Distraction lang yan!” natatawang sabi ni Matteo kay Xian.

Hindi siya nakinig sa kaniyang Co-Pilot / kaibigang si Matteo Itinaas niya ang kamay at agad na lumapit si Levie, ang bar owner .

“I want her on my hotel room tonight! Ito ang address,” madiin na sabi ni Capt. Xian kay Levie, iniabot ang isang piraso ng papel na may nakasulat na address.

“You know me, Levie. Hindi ako kumukuha basta-basta ng babae kaya kung sinabi kong gusto ko siya. Kailangan dumating siya. Hindi ko din aaksayahin ang kahit na isang minuto para hintayin siya. Masyado akong busy sa mga negosyong kinakapitan ko pati na sa hilig kong magpalipad ng eroplano.

7 pm sharp. Pag -suotin mo siya ng sexy dress!

Sige na makakaalis ka na!” pagkasabi noon ay winasiwas niya ang kaniyang kamay para paalisin si Levie pero nanatili itong nakatayo sa gilid niya.

Para namang pusang inipit si Levie na nakatayo sa gilid nila Capt. Xian. Hindi niya alam ang tamang salitang sasabihin niya, namumugal na ang pawis sa kaniyang pisngi sa kaba dahil alam niya na isang maling salitang sabihin niya at hindi magustuhan ni Capt. Levie ay siguradong kakaharapin niya ang isang matinding parusa na kailanman ay hindi niya makakalimutan.

Magalang at nauutal siyang nagsalita “Captain Xian, ganito po kasi yan. Ano po kasi!. Hindi po kasi nagpapa-take out si Karmela. May kasunduan po kasi kami sa kontrata niya na sasayaw lang siya at hindi magpapagamit sa kahit na sinong Costumer. Part lang po talaga siya ng aming main event show.” sagot niya na halos hindi na marinig sa hina ng kaniyang boses

“And so? Ano bang sinabi ko?

I want her on my hotel room. Kailangan ko ng magtatanggal ng pagod ko after 28 hours flight!” malamig na tugon ni Capt. Xian,

“Wala akong pakielam sa rules niyo. Gawan mo ng paraan. Kung ayaw mong mawala ang negosyo mo. Alam mo na ang pwedeng mangyari sa bar mo kung hindi ko makukuha ang babaeng yan ngayong gabi. Handa akong magbayad ng 2 million kapalit ng isang gabi. At maari ko pang dagdagag yan depende kung gaano niya ako mapapasaya."

Napalunok si Levie at wala na siyang nagawa kundi tumango. “Sige, sir… susubukan ko.”

Pagka-alis ni Levie ay binalik niya ang tuon ng kaniyang mata kay Karmela. Sa unang pagkakataon matapos ang halos isang dekada ay muling nakitaan ng interes ni Matteo ang kaniyang kaibigan kaya’t napailing na lamang siya habang patuloy na iniinom ang kaniyang alak.

Parang isang mabangis na hayop na nakatitig si Capt. Xian kay Karmela. Sa kaniyang paningin ay walang ibang babae ang makahihigit sa karisma nito. Ang maskarang humaharang sa mukha ni Karmela ay mas lalong nakakapag bigay ng excitement para kay Capt. Xian.

Si Karmela lang ang nakakuha ng kanyang buong atensyon makalipas ang halos isang dekadang naging bato ang kaniyang puso, ang mapang-akit na sayaw ni Karmela sa  ibabaw ng entablado habang kumikislap ang kanyang maiksing pulang damit. 

Hindi maiwasan ni Capt. Xian ang mapakagat labi sa tuwing hihimasin ni Karmela ang poste sa gitna ng entablado kasabay ang pag-ikot niya dito.

Bawat indak ng kaniyang balakang ay tila mapanukso sa paningin ni Capt. Xian. Ngayon lang ulit niya naramdaman ang matinding pagnanasa para sa isang babae.

Ngunit sa kabila ng ningning ni Karmela sa ibabaw ng entablado ay siya namang dilim ng kaniyang personal na buhay. Sa bawat ngiti ay masasalamin sa kaniyang mata ang hindi kayang maitago ng maskara . Ang malungkot na katotohanan na maaring mawala sa kaniya ang kaniyang ina anumang oras dahil sa isang malubhang sakit na siyang dahilan ng lahat ng pagsasakripisyon niya . Iniwan sila ng kaniyang ama at sumama ito sa kaniyang kabet dahilan para lalo silang maghirap sa buhay.

Sa loob ng bar. Hindi pa rin tuluyang nagtungo si Levie sa dressing room ni Karmela. Sinenyasan niya ang isang talent niya para lapitan si Capt. Xian at baka sakaling magustuhan niya ito at mawala na ang kaniyang isip kay Karmela, nagsimulang magsayaw ng kaakit akit ang babaeng ito sa harapan ni Capt. Xian. Pero tinabig lang niya ito ng walang pag-aalinlangan.

Saka siya sumigaw ng malakas "What are you doing Levie?!, sinabi ko sayong ang babaeng iyon ang gusto ko at wala ng iba".

"Yes Captain, ito na nga papunta na ako ngayon kay Karmela" tarantang sagot ni Levie. Sabay talikod sa matalim na tingin ni Capt. Xian.

Pagtakatapos ng prod ni Karmela ay nagmamadali siyang pumunta sa dressing room nito. Habang naglalakad sa hallway ay panay ang bulong ni Levie sa sarili

“Naku naman talaga! Bakit ba kasi sa kinadami dami ng babae dito sa kasa si Karmela pa nagustuhan nitong si Captain?!” bugnot niyang sabi sa sarili.

Isang malalim na buntong hininga ang pinakawalan ni Levie bago siya pumasok sa loob ng dressing room ni Karmela, isinarado niya ang pinto. Nandoon na si Karmela, nakaupo sa harap ng salamin, tinanggal na ang kanyang maskara at ang kaniyang wig, gayundin ang makapal na make up na ngtatago sa natural niyang ganda . Tinititigan siya ng malamlam na mga mata nito.

“Anong kailangan mo, Levie?” tanong ni Karmela, bahagyang napapakunot ang noo niya sa pagtataka, alam niyang may ibang pakay ang kaniyang amo kaya ito nandoon ngayon.

Sa buong gabi, siya ang naging sentro ng atensyon. Ang misteryosong babae sa ilalim ng makislap na mga ilaw, ngunit sa pagkatanggal ng kaniyang maskara ay muli na namang siyang bumabalik sa isang pagiging malungkot na anak na nagsisikap para matustusan ang medical bills ng kaniyang inang lumalaban sa kaniyang kidney failure ng dahil sa kakulangan sa pera ay lumala ang kundisyon nito at naging Stage 3 cancer.