Chapter 12

Sinubukan kong buhayin muli ang makina ng kotse. Napasinghap ako nang gumana ito. Tiningnan ko si Ryan. Nasa kay Evara ang paningin niya. Isinara ko ang bintana ng kotse. Narinig ko pa ang malakas na pagmura niya. Hinawakan ko ng mahigpit ang manibela at pinaharurot ang kotse paalis. Nakahinga lang ako ng maluwag nang nakalayo na ako sa bahay ng pamilya ko.

Pagbalik namin sa condo ni William, si Maris ang nagbukas ng pinto sa amin. Luminga-linga ako sa paligid at hinahanap si William.

"Anong ginagawa mo rito?" tanong ko kay Maris. "Go to our room, Evara," saad ko pagkatapos kong tanggalin ang headphone niya.

"Ikaw dapat ang tinatanong ko, Sabrina," sabi ni Maris kaya umigting ang panga ko.

"Ang lakas din ng loob mong bumalik dito pagkatapos mong lokohin si William, 'no?" Pinagkrus ko ang mga braso ko.

"May karapatan akong pumunta rito kasi magiging ama na siya." Nangunot agad ang noo ko nang ipakita niya sa akin ang pregnancy test.

"Nababaliw ka na ba? Sa tingin mo ba mapap