Chapter 11

"She's one of my employees before," sagot ni Ryan.

Napamura ako nang biglang nasugatan ang kamay ko sa basag na mga basong pinupulot ko. Nanlaki ang mga mata ko nang napansin ang pagluhod ni Ryan at hinawakan niya ang kamay ko.

"May sugat ka," saad niya.

Binawi ko ang kamay ko sa kaniya. "Ayos lang ako," sabi ko at mabilis na tumayo. Napansin ko ang malalim na pagtitig ng pamilya ko sa akin. "Magtitimpla na lang po ako ng bagong juice," wika ko bago sila iniwan.

Napapikit ako sa sakit habang hinuhugasan ng tubig ang sugat ko sa hintuturo. Naghanap ako ng gamot sa cabinet, ngunit wala akong nakita.

"Mommy, are you okay?" tanong ni Evara nang nakita niya akong tinatalian ang sugat ko ng telang pinunit ko sa damit ko.

"Yes, Eva," tipid kong sagot.

Napahinto ako sa ginagawa ko nang napagtantong baka makita siya ni Ryan. Binuhat ko ang anak ko at naghanap ng pwedeng mapagtataguan niya, ngunit huli na dahil nakita kong naglalakad si Ryan papasok sa kusina. Nanigas ako sa kinatatayuan