CHAPTER 19 "I'M SORRY"

NAKA-DUTY na si Ara at siya naman ay naging busy na sa pagbabasa nang maramdaman niyang umupo sa silyang nasa kanyang harapan ang kung sino.

Mabilis na dumamba ang kaba sa puso ni Jenny matapos niyang malanghap ang isang pamilyar na scent ng panlalaking cologne. Pero sa kabila ng pagnanais niyang mag-angat ng tingin upang ngitian ito ay mas pinili niyang huwag nalang. Hindi naman sa nagpapakipot siya pero masama parin talaga ang loob niya rito dahil sa ilang araw narin nitong paggagalit-galitan sa hindi naman nito ipinapaliwanag na dahilan.

"Sweetheart," untag nito sa kanya gamit ang pamilyar na endearment na iyon na aminin man niya o hindi pero talagang gustong-gusto niyang naririnig mula sa binata.

Hindi siya kumibo. Hindi rin siya kumilos at sa halip ay nanatiling nakayuko sa libro na nasa kaniyang harapan. Pero nang mga sandaling iyon alam niya sa sarili niyang kinikilig siya. Kung minsan pala maganda rin ang m