CHAPTER 64

(continuation of flashback)

Lubos ang kasiyahan ko nang maka-graduate na kami ng kaibigan kong si Tonyo. Napagpasyahan kong sabihin na sa kanya ang lihim naming relasyon ni Carolina kinabukasan. Ngunit nang gabi na yun ay nagulat ako ng sumugod ang kanilang pamilya sa amin at galit na galit. Inambahan ako agad ng suntok ni Tonyo na nagpupuyos sa galit.

“I trusted you, traydor ka,” galit na sabi nito sa akin.

“Maniwala ka Tonyo hindi ko gustong magsinungaling ngunit mahal na mahal ko si Carolina,” paliwanag ko sa kanya.

“She’s just 19. Tapos binuntis mo pa!” madiing sigaw nito. Ang ama naman niya na si Tito Danilo ay mukhang galit din ngunit kitang-kita na nagpipigil na saktan ako.

Halos matulos ako sa kinatatayuan ko ng mga oras na yun. Masaya ako dahil magiging ama na ako ngunit sa sitwasyon ngayon mukhang hindi magiging ganoon kadali para sa amin ni Carolina.

“Handa po akong panagutan ang mag-ina ko,” buong determinasyon kong pahayag. Ngunit tinawanan lamang ako ni Tiyo Danilo