CHAPTER 100

MABILIS na umalis si Ronaldo sa tahanan ng mga Inocencio. Hindi niya matanggap ang mga narinig mula sa pinakamamahal na babae na si Carolina.

Nakaraan..Nakaraan ..Tila ba paulit-ulit niya itong naririnig. Sobrang sakit ng nararamdaman niya ngayon. Nang malaman niya mula sa kanyang imbestigador na buhay at kung nasaan si Carolina ay punung-puno ng pag-asa ang puso niya na ang hindi na natuloy nilang pagmamahalan ay maaari na nilang ipagpatuloy ngayon.

Noong malaman niyang nagkaasawa ito ay nasaktan na siya. Ngunit nagkaroon siya ng pag-asa nang malamang patay na ang naging asawa nito. Wala kasi siyang pakialam kahit na nagkaroon ito ng iba, naiintindihan naman niya yun. Pero kasi umaasa siya na mayroon pa itong pagtingin sa kanya kaya naman nagagalit siya ngayon na isa na palang nakaraan ang tingin nito sa kanya.

Oo nga at wala itong maalala pero sana kung binigyan siya nina Antonio ng pagkakataon na makasama ito ay baka maramdaman nito ang pagmamahal na mayroon si Carolina para sa