Chapter 2.1

Continuation....

TUMIKHIM muna si Athana. Nakatutok na ngayon ang baril kay Gun nang si Athana muna ang unang magsasalita.

"Una po... m-matagal na raw po kayong hindi nakakabayad ng utang mo kay Boss Cheng." Kinakabahan na saad ni Athana ngunit hindi niya iyon masyadong pinahalata.

"Narinig ko na 'yan. Wala na bang bagong rason?... Sunod na." Maawtoridad na saad nito habang kay Athana naman ngayon nakatutok ang hawak niyang baril.

"Umayos ka, Gun." May halong pagbabanta na sabi ni Athana.

Nakita niyang napalunok muna ito ng dalawang beses bago nagsalita.

"M-malayo po i-itong... b-bahay mo."

Hindi naman makapaniwalang napatingin si Athana kay Gun.

Seryoso ba siya? 'Yan talaga ang nirason niya?

Nakatutok muli kay Gun ang baril.

"Huling rason na, miss eight." Saad ng matanda.

Napalunok muna ng isang beses si Athana. Bumuntong-hininga muna siya bago muling nagsalita.

Dalawang tao lang ang nasa isip ngayon ni Athana.

"May.... May kambal na anak po ako, Mr. Freak. Four years old pa po ang mga anak ko. Ayoko pong maulila sila ng maaga. Saka, single parent po ako." Kinakabahan na sagot ni Athana.

Ibinaba ni Mr. Freak ang hawak niyang shotgun, at pagkatapos ay pumasok ito sa loob ng kanyang bahay. Saka pa lamang nakahinga nang maluwag si Athana.

Paglabas nito ay may dala na itong isang itim na bag. Katamtaman lang ang laki nito, at wala na rin siyang hawak na shotgun.

Lumapit ito sa kanila ni Gun, at pagkatapos ay ibinigay nito kay Gun ang itim na bag.

"Sabihin ninyo kay Cheng na kalahati muna ang babayaran ko sa utang ko sa kanya. Balikan niyo na lang ang kulang sa susunod na taon." Saad ng matanda.

"Sige po." Sabay na sabi nila ni Gun.

Tinalikuran na sila ni Mr. Freak, saka nito ipinagpatuloy ang ginagawa niya kanina.

Dali-dali naman silang bumaba ng bundok ni Gun. Hingal na hingal sila pagkarating nila sa ibaba.

Nang magkatinginan silang dalawa ay sabay pa silang nagtawanan.

"Now I know why Mr. Freak ang pangalan niya." Natatawang sabi ni Gun.

Napailing na lamang si Athana.

PUMALAKPAK si Boss Cheng nang makita niyang papasok sa loob ng kanyang opisina si Athana at Gun na may dalang itim na bag.

"Magkano ang ibinayad ni Mr. Freak sa inyo?" Tanong kaagad nito nang tuluyan na silang makapasok sa loob.

Inilapag naman ni Gun ang pera sa may lamesa ni Boss Cheng.

"Kalahati po. Next year naman daw 'yong kulang, boss Cheng." Saad ni Gun.

"Pambihira talaga itong si Mr. Freak. Pero mabuti na lang at nagbayad na siya... Kaya bilib talaga ako sa grupo mo, miss eight. Wala talaga kayong hindi kayang gawin." Namamanghang sabi nito.

Mukhang alam na ni Boss Cheng na mapapabayad nila ngayong araw si Mr. Freak. Kaya siguro ang grupo naman nila Athana ang pinili nito.

Tumayo si Boss Cheng at binuksan ang itim na bag na dala nila. Kumuha siya ng pera at ibinigay niya iyon sa kanilang dal'wa ni Gun.

"O! Tig one hundred thousand kayong dalawa, dahil napasaya ninyo ako ngayon." Saad nito.

"Salamat po." Agad na saad ni Athana.

Nakangiting tumango si Gun kay Boss Cheng bago ito nagpasalamat. Pagkatapos ay lumabas na sila ng opisina ni Boss Cheng.

Ang pinaka-malaking naibigay sa kanya ni Boss Cheng ay five hundred thousand. Wala rin naman silang magagawa kong kaunti lang ang ibigay sa kanila. Iniipon na lang din muna ni Athana ang perang ibinibigay sa kanya, para kasi ito sa future nila ng kanyang mga anak. Kumukuha rin naman siya ng kaunti kapag gipit na. Ayaw niya rin munang bumili ng bahay at lupa dahil hindi pa naman tapos ang kanyang kontrata sa Secretive.

Nakakatawa, 'di ba? Ang mga kagaya nilang mga magnanakaw ay may kontrata rin pala? Hindi niya rin maalala kong paano siya napunta sa sitwasyon niya ngayon. Pinanindigan na lamang niya ito dahil wala rin naman siyang choice, at nakakatulong din naman ito sa kanila, lalo na sa kanyang panganay na anak na si Ather. Papatayin din naman sila kapag binalak nilang tumakas, lalo na 'pag hindi pa tapos ang kontrata ni Athana sa kanila.

Inihatid muna siya ni Gun gamit ang sasakyan ng grupo nila na van. Kanina niya lang din nalaman na marunong palang magmaneho ng sasakyan itong si Gun.

Lalabas na sana si Athana nang biglang nagsalita si Gun.

"Teka lang ate—I-I mean, miss eight,"

Hindi naman makapaniwala si Athana sa kanyang narinig na tinawag siyang "ate" ni Gun.

"Tinawag mo ba akong ate, Gun?" Hindi makapaniwalang sabi ni Athana.

Nahihiya naman itong napakamot sa kanyang batok.

"Ayos lang po ba na tawagin kitang ate, miss eight?"

Tumango naman kaagad si Athana sa tanong ni Gun.

"Oo naman. Walang problema sa 'kin kong tatawagin mo akong ate." Saad ni Athana rito. "Ano nga ulit 'yong sasabihin mo sa akin?" Dugtong niya.

Nagtaka naman siya nang inabot ni Gun sa kanya ang perang ibinigay ni Boss Cheng kay Gun kanina.

"A-anong gagawin ko rito?" Naguguluhang tanong niya.

Nginitian naman siya ni Gun.

"Sa 'yo na 'yan, ate."

Ayaw niya ng one hundred thousand? Edi, sana pala hindi na lang niya tinanggap ang pera nang ibinigay ni Boss Cheng iyon sa kanya kanina, 'di ba?

"Ayaw mo nito? Malaking pera 'to, Gun." Sabi ni Athana sa kanya.

Nginitian lang siya ulit ng binata.

Napakurap-kurap naman si Athana. Hindi pa rin siya makapaniwalang ibibigay lang iyon sa kanya ni Gun.

"Bakit?" Seryosong tanong niya rito.

"Wala lang po." Sagot naman nito.

"Anong wala lang? Ang ibig mo bang sabihin na trip mo lang na ibigay sa akin ang malaking perang 'to?"

Tinanguan lang ulit siya ng binata. Binuksan nito ang dala niyang sling bag na nakasukbit sa kanyang balikat, saka nito ipinasok roon sa loob ang one hundred thousand. Pagkatapos ay pinalabas na rin siya ni Gun ng sasakyan.

Naiwan naman siya roon sa labas na nakatulala at nagtataka pa rin. Napailing na lamang siya bago pumasok sa loob at kinuha na niya ang kambal kay Ate Mabel.

"Maraming salamat, ate Mabel." Saad ni Athana bago niya ibinigay sa babae ang suweldo nito ngayong buwan.