3

TAHIMIK na nagpapahinga si Caramel sa malaking kwarto kung saan siya matutulog. Kasama niya sa loob ang tatlong kasambahay. Medyo may edad na ang dalawang kasambahay at isa naman ay mas bata sa kanya ng limang taon. Dito muna ang pansamantala niyang tutulugan ngayon gabi. Bukas, doon na siya sa isa pang bahay ng mga Misuaris kung saan naroroon ang baklang si Fourth.

Yung baklang 'yon talaga, hindi manlang siya sinabihan na may mga gwapo pala itong mga kapatid. Maglilimang taon na ang nakalipas noong huli silang nagkita ni Fourth. Ayaw niya na sanang makita ang pagmumukha ni Fourth ngunit kailangan niya talaga ng malaking sahod para matustusan ang pangangailangan ng kan'yang pamilya.

Napalingon siya sa dala niyang itim na bag na naglalaman ng mga armas. Ang pinakamamahal niyang mga armas. Matagal-tagal na ring natingga ang mga iyan dahil palagi siyang nasa monitoring team kaya hindi niya magamit-gamit ang mga dekalibreng armas.

Noong pumalpak na naman kasi siya sa lakad nila kasama ang ibang team ng SIA at kamuntikan na naman siyang mamatay kaya bigla siyang pinarusahan ng Alpha Superior. Ilang beses na rin siyang nag-quit sa trabaho pero lagi siyang kinukulit ng agency na bumalik. Wala naman siyang magawa kundi ang bumalik lalo na't wala siyang ibang trabaho. Nagtagal rin siya doon at tiniis ang pagmumukha ni Satoh sa monitoring room.

Napalingon siya sa 27 anyos na kasambahay pagkapasok nito sa kwarto.

" Miss, kain ka na raw po sabi ni Don Primero " wika nito sa kanya.

" Yung apat na riyan pa ba? " tukoy niya sa anak at mga pamangkin ni Primero.

" Umalis na po sila, Miss. Abala po kasi ang mga iyon sa kani-kanilang buhay, " nakangiting tugon nito. Nag-inat muna siya ng katawan bago sumunod sa katulong palabas ng k'warto.

" Sa kanilang apat, sinong pinaka-guwapo? " tanong niya rito. Kaagad naman itong namula sa tanong niya.

" Syempre, si sir V-Van. " Nahihiyang tugon naman nito. Napatango siya.

" Crush mo si Van? " Interesadong tanong niya sa dalaga.

" H-Hindi po, " namumulang tanggi nito.

" Asus! Tanggi ka pa. Kitang-kita sa mga pisngi mo, kasi namumula ka." Napahawak ito sa pisngi kaya natawa naman siya.

" Matagal mo na siyang crush no? " Napailing ito at mukhang ayaw pang umamin.

" E, sayo sino ang pinaka-gwapo? " Balik tanong nito sa kanya. Bigla siyang napa-isip. Lahat sila gwapo ngunit mas gusto n'ya pa rin ang appeal ni Sink.

" Sa mga anak ni Don Primero, sino ba ang pinaka-gwapo?" Napa-isip rin ang dalaga.

" Yung magkambal, si Sir Fourth tsaka si sir Third. Sila lang naman ang anak ni Senyor sa pinakamagandang asawa nito na si Natalia, " sagot nito.

" Ang ibig mong sabihin...maraming asawa si Don Primero? " Napatango ito.

" Dalawa lang ang pinakasalan niyang babae at marami pa siyang naging ibang babae, " tugon nito. Napa-ah naman siya. Kaya naman pala, iba ang titig sa kanya ni Sixto dahil babaero pala ang ama nito.

" S-Sigurado ka bang, hindi ka kabit ni Don Primero? " Napaubo naman siya.

Sa dinami-dami ng ipaparatang sa kanya, 'yon pa talaga?! Pambihira!

" Syempre hindi. Bakit mo natanong? "

" Mahilig kasi siya sa mga babaeng kasing edad mo. Sexy, maganda at makinis ang kutis ng mga babaeng natitipuhan niya."

Ah ok. Kung mahilig sa gano'ng klaseng babae si Don Primero hindi naman s'ya pumapatol sa matanda na. Maraming nanligaw sa kan'ya, karamihan may edad na at mapera ngunit hindi n'ya naisipang pumatol sa lalaking parang tatay n'ya na.

" Kahit naman interesado siya sakin, hindi naman ako interesado sa kanya. At sapalagay ko naman, mahilig siya sa mga babaeng mapusok at mukhang pera. Sa panahon ngayon kusa na talagang lumalapit ang bulaklak sa paru-paro lalo na kung makulay at maharlikang paru-paro. Pero, ito ang sasabihin ko sayo Kyline, huwag kang padadali sa mga maharlikang paru-paro na 'yan dahil ang mga 'yan hanggang dapo lang ang alam at pagkatapos lilipat na naman sa ibang bulaklak, " matalingagang payo niya sa dalaga sabay tapik sa balikat nito bago ito iniwan.

*****

" AW! Dahan-dahan naman! " Inis na daing ni Fourth sa nurse na naglilinis sa kanyang sugat.

Nadaplisan siya ng bala noong gabing tinakasan niya ang apat n'yang bodyguard na ini-hired ng kanyang ama para bantayan siya.

Noong natakasan niya ang mga ito, nagtungo siya sa isang gay bar para makipagparty. Naka-disguise naman siya pero sadyang matalas ang mga mata at pang-amoy ng kalaban ng mga Misuaris. Hindi niya akalain na balak pala siyang patayin ng mga kalaban at mabuti na lamang ay nakatakas siya.

" Huwag ka ng magreklamo Fourth dahil ginusto mo yan e!" sabat naman ni Third pagkapasok ng kwarto. Tinarayan niya lamang ang kakambal.

" Kung nakikinig ka lang sana kay Dad, edi sana hindi ka umabot sa ganyan, " dugtong pa nito.

" Ayaw ko nga siyang sundin. Gusto niya akong mag-quit sa pagiging artista tapos ano? Gagawin niya akong alalay sa business niya! Ayaw ko nga! " inis na tugon niya rito.

" Hindi naman alalay ang tawag dun, Fourth. Isa ka rin sa magmamana ng mga ari-arian n'ya katulad ko. Ang gusto lang naman ni Dad ay tumulong ka sa business, hindi puro pasikat at pa-party ang inaatupag mo! " panenermon aman nito.

" A.Y.O.KO. as in no way! Gagawin ko ang lahat ng gusto ko. At wala siyang magagawa sa gusto ko!" giit niya naman. Napabuntong hininga na lamang si Third sa tigas ng kanyang ulo.

" May magagawa si dad at sigurado akong hindi mo 'yun magugustuhan." Napatingin naman siya kay Third.

Ano naman kaya ang gagawin ng kanyang ama?

" Be prepared and good luck, " panghuling wika nito bago siya tuluyang iniwan.

Edi, good luck! Like duh!

“ Hindi ako natatakot! ” mataray na saad n'ya sabat hair flip ng kan'yang imaginary hair.