6

"Sir, may insidente kami rito ng droga at tangkang panggagahasa. Pakiimbestigahan po agad."

Pagkababa ng tawag, malinaw na nakita niyang kinakabahan si Lianna, pilit na hinihila ang laylayan ng kanyang palda. Kung gusto nitong sirain ang lahat, wala siyang balak umatras—mas sisirain niya ito nang husto.

Natapos ang welcome party ng pamilya Del Fierro sa isang malaking kahihiyan.

Dumating ang pulis at nahanap si Lizzy.

"Alam na po namin ang lahat ng sitwasyon, pero dahil may ilang suspek na nagsasabing may kinalaman ka sa insidenteng ito, hinihiling namin na sumama ka sa amin para sa imbestigasyon."

Ayaw ng pamilya Del Fierro na mas lalong masira ang kanilang pangalan, kaya tumahimik silang umalis.

Tila gustong may sabihin si Jarren kay Lizzy, ngunit nang muling sumandal si Amanda sa kanyang balikat, walang alinlangan itong binuhat ni Jarren gaya ng isang prinsesa. Iniwan niya si Lizzy at lumakad palayo nang hindi man lang lumingon.

Sa malamig na hangin ng gabi, ang likod ni Lizzy ay tila naglalarawan ng lungkot at lamig, bumagsak ang kanyang balikat habang pinagmasdan ang likod ni Jarren na buhat-buhat si Amanda. Kaya wala na rin siyang nagawa kundi sumama sa mga police.

Habang umaandar ang sasakyan ng pulis, napatingin si Lysander ngunit agad na iniangat ang bintana sa kotse na sinakyan niya. Hawak-hawak niya ang kanyang relo habang tila malalim ang iniisip. Hindi mahulaan kung ano ang tumatakbo sa kanyang isipan.

Bahagyang umubo si Roj at sinabihan ang driver, "Huwag muna tayong bumalik sa Omega Hotel, pumunta tayo sa station ng police."

Ang abogado ng pamilya Sanchez ang unang nagsalita, "Miss Del Fierro, alam ko na po ang kabuuang sitwasyon. Ang maipapayo ko ay magbayad kayo ng danyos at humingi ng tawad. Kapag nagbigay kayo ng kompensasyon at nag-sorry, tapos na ang usapang ito.

Huwag kang mag-alala, gagawin ko ang lahat para mag-public apology sila, pero sapat na ring mag-sorry ka nang pribado..” Pagkatapos niyang magsalita, naging mayabang muli ang kanyang tono. "Pero didiretushin na kita, at alam ko naman na alam mo na rin ang tungkol sa bagay na ito, ang gusto ng pamilya Sanchez ay maayos pa rin ang kasal ninyo sa mga Del Fierro."

Parang matagal nang hinihintay ni Liamn ang mga salitang iyon, kaya naging kalmado na ang kanyang ekspresyon. Ngumiti ito at sinabing, "Alam ko naman na mabuting tao si Young Master Jarren. Pasensya na at humingi ka na rin ng tawad para sa amin."

Ibinigay niya kay Lizzy ang isang makahulugang tingin, senyas na tanggapin na lang niya ito agad.

"Hindi." Magulo man ang buhok ni Lizzy, taas-noo pa rin siya habang nagsasalita. Ang kanyang leeg ay mahaba at maputi, parang leeg ng isang sisne. "Hindi ako hihingi ng tawad. Hayaan nating ang pulis ang mag-imbestiga para linisin ang pangalan ko."

Pagkasabi niya nito, nagbago ang ekspresyon ng lahat ng naroon.

Galit na galit si Liam at malakas na hinampas ang mesa. "Lizzy, pwede ba tigilan mo na ‘yang kalokohan mo? Ang daming nakakita sa ginawa mo kanina. Wala kang kahihiyan, pero ang pamilya Del Fierro ay meron pa!"

Nagpakawala ng mahinang tawa si Liston. "Sanay kasi siyang inaalagaan sa bahay, kaya ‘pag may gusto siyang makuha, gagawin niya kahit anong abala sa atin."

Napangisi si Lizzy sa loob-loob niya. Hindi nga siya kagaya ni Lianna, na gagawin ang kahit ano, masira lang siya.

Bahagyang naningkit ang mata ng abogado ng Sanchez, sabay banta, "Kung ipipilit mong hindi mag-sorry, hindi ka tutulungan ng pamilya Sanchez sa piyansa. Mapaparatangan ka ng pag-utos sa tangkang panggagahasa kay Amanda."

Saglit na bumilis ang tibok ng puso ni Lizzy.

Tunay ngang walang awa si Jarren, ni hindi man lang siya ipinagtanggol kahit pakitang-tao lang. Hangga’t ayaw niyang kumilos, siguradong hindi rin gagalaw ang pamilya Del Fierro para ilabas siya.

Kinailangan niyang makulong. 

Napangisi si Lizzy at taas-noong sinabi, "Pero hindi ko ito kasalanan, kaya hindi ako magso-sorry. Kung gusto niyo akong ipilit na ituloy ang kasunduan sa kasal, may isa akong kondisyon—ibigay niyo sa akin ang recording ng nangyari sa kwarto kanina."

Medyo nag-iba ang ekspresyon ni Liam. "Kinuha na ni Jarren ang recording. Ang sabi niya, kung itutuloy mo pa ang gulo, huwag mo siyang sisihin kung ilalabas niya iyon sa publiko."

Nanlamig ang tingin ni Lizzy, pati na rin ang nararamdaman niya. "Kaya pala, walang ni isa sa inyo ang gustong maniwala sa akin? Wala man lang tumingin sa laman ng recording?"

Nagsalita si Liston na halatang naiinis, "Nakakahiya na, nakakababa pa ng dignidad. Hindi ba para rin naman sa kabutihan mo ito? Lahat kami, nag-aalala sa'yo, pero eto ka, pasaway pa rin."

Bigla niyang naramdaman ang matinding pagod. "Kung gano’n, umalis na kayo. Hindi ko tatanggapin ang piyansa niyo, at huwag niyo na akong pilitin."

Nag-iba ang ekspresyon ng mga tao sa paligid.

Unang umalis ang abogado ng pamilya Sanchez. "Wala kang utang na loob."

Sumunod ang mga tao ng pamilya Del Fierro. "Tingnan natin kung gaano katigas yang ulo mo sa loob ng ilang araw, at kami rin ang mag-aayos ng gulo mo!"

Napangisi si Lizzy, ngunit puno ng lungkot ang kanyang puso. "Kahit mamatay ako dito ngayon, hinding-hindi na ako papasakop sa inyo."

Sinabi niya iyon nang mawala na sa paningin niya ang pamilya niya.

Hindi niya alam kung gaano katagal siyang naghintay. Sa gitna ng kanyang pagkalito, bigla niyang narinig na may dumating. "Miss Del Fierro, pwede ka nang umalis. May nag-piyansa para sa'yo."

Nag-isip siya kung sino iyon, pero wala siyang maisip na pangalan.

Sa labas ng police station, isang Pagani Zonda ang nakaparada sa gilid ng daan, at may nakatayo roon na isang matangkad na lalaki. Nakatalikod siya sa liwanag, kaya ang anino niya ay mas lalong nagbigay-diin sa matitigas niyang features.

May malamig na aura ang lalaki, at sa kanyang seryosong mukha, mas lumilitaw ang likas niyang tapang. Malamig ngunit marangal, pero hindi iyon kasing pagod sa mga mata ni Lizzy.

Napatingin si Lizzy, bahagyang natulala. "Tito Lysander?" Gulat niyang nasambit.

Napansin niyang hindi na bagay ang tawag na iyon, kaya agad niyang binago, "Mr. Sanchez."

"Hmm." Bahagyang tumango si Lysander. "Sumakay ka na."

Bagamat kinakabahan, sumunod siya nang maayos. Hindi niya masyadong nakakasalamuha ang lider ng pamilya Sanchez. Kadalasan, nasa ibang bansa ito para hawakan ang malalaking negosyo ng pamilya.

Ang tanging pagkakataon na nagkikita sila ay sa mga family gatherings ng Sanchez.

Para kay Lizzy, si Lysander ay parang perpektong tao—isang alamat sa mundo ng negosyo. Kahit nasa edad trenta na, malakas pa rin ang kanyang karisma, at kailanman ay walang naging kontrobersya.

Takot at naiinggit si Jarren sa tiyuhing ito. Tuwing napag-uusapan ang mga tagumpay ni Lysander, ramdam ang hinanakit ni Jarren sa kanyang tono.

Sa harap ni Lysander, walang karapatan si Jarren bilang tagapagmana ng pamilya Sanchez.

Habang puno ng iba't ibang iniisip, nanlalamig na rin ang loob ni Lizzy. Napahiya niya ang pamilya Sanchez sa harap ng maraming tao, kaya malamang hindi siya papalagpasin ni Lysander. Kahit pa na-piyansa siya, iniisip niyang baka dalhin lang siya para "tapusin sa labas."

Habang nanginginig sa takot, narinig niya ang malamig ngunit magandang tinig ng lalaki.

"May atraso ang pamilya Sanchez sa'yo sa pagkakataong ito. Ano ang gusto mong kapalit?"

"Ha?"

Halos hindi makapaniwala si Lizzy sa narinig niya.

Bahagyang lumingon si Lysander, tinitigan siya nang malalim, na parang isang malamig at misteryosong lawa ang kanyang mga mata—nakakaakit ngunit nakakakaba.

"Alam ko ang lahat tungkol kay Jarren. Magbibigay ng paliwanag ang pamilya Sanchez sa'yo, at sinisiguro kong hindi mo na makikita ang babaeng iyon sa tabi niya."

Halos hindi makaikot ang utak ni Lizzy sa sobrang gulat. Bigla niyang naintindihan ang ibig sabihin ni Lysander. Hindi hangal ang pamilya Sanchez, at kahit papaano, siya pa rin ang pinakamataas na anak ng pamilya Del Fierro.

Kahit pa hindi siya paborito, mas mainam pa rin siya kaysa kay Amanda, na walang kahit anong koneksyon o reputasyon.

Si Amanda? Walang pamilya, mababa ang edukasyon, at hindi man lang pumapasa sa kwalipikasyon para maging kasambahay ng pamilya Sanchez.

Kung papakasalan talaga siya ni Jarren, malaking kahihiyan iyon para sa pamilya Sanchez.

Kung sa rason lang, dapat niyang tanggapin na manatili sa ilalim ng proteksyon ng pamilya Sanchez para sa ikabubuti ng Del Fierro.

Pero nagulat siya sa inoffer ni Lysander, hindi niya iyon inasahan.