Chapter 39

Sa isang tahimik na restaurant sa Tagaytay dinala ni Gavin si Trixxie. Isang VIP room ang pinareserve ng una na nakaharap pa sa magandang tanawin ng Taal Lake.

Matapos ang kanilang mainit na sagutan sa sasakyan ni Gavin ay bumaba si Trixxie doon at hinintay muna na makalipad ang eroplanong sinakyan ni Trevin. Mabigat man sa loob ang paglisan ng anak ay alam niyang mapapanindigan nito ang kagustuhan.

Tahimik na kumakain si Trixxie at kapansin-pansin ang paninitig ni Gavin sa kanya. Ibinaba niya ang kubyertos atsaka nagsalita. “Now, tell me kung ano ang sadya mo sa pagsunod sa aming mag-ina.” Nakakunot pa rin ang noo ni Trixxie lalo at paramg wala sa sarili si Gavin na kanina pa natutulala na nakatingin sa kanya.

“Gusto kong mabigyan ng buong pamilya sina Trevin at Tatiana,” seryosong saad ni Gavin. Ninanamnam niya ang sandali kung kailan na magsasawa siyang titigan ang magandang mukha ni Trixxie. Mul