Chapter 21

AXECEL

"Guys?! Guys?! Gusto niyo bang pumunta ng langit? I mean, mag lunch sa langit?" Hindi naman kami nagulat nang biglang lumabas si Gelo galing ng kwarto, kundi dahil sa sinabi niya.

"Ha?" Sabay pa talaga kami ni Top na auto blanko sa sinabi ni Gelo.

"Ten pesos lang, nasa langit ka na. Ano? Ano? Tara? Pa-langit tayo?"

Kumunot ang noo namin ni Top.

"Minus ten ka talaga sa langit kapag sinabi mo ulit iyan! Anyari ba sa 'yo?! Umagang-umaga kung ano-ano pinagsasabi mo." Singhal ko sa kanya.

"Psst! Tawagan mo nga si Alfred kung bakante siya ngayon." Utos ni Top kay Gelo.

Auto sunod naman 'tong isa na ito sa sinabi ni Top. Nilingon ako ni Top at saka nagkibit balikat. Napabuntong hininga nalang ako, at saka tinalikuran sila. Nasa lababo ako para maghugas ng mga pinagkainan namin. Mayamaya ay tumabi si Top sa akin para tumulong.

"Maupo ka na do'n. Hintayin mong dumating ang pinsan mo. Ab! Hindi niyo sinabi sa amin na magpipinsan pala kayo!"

"Hindi naman kasi kayo nagtanong. So, ba't ko