Chapter 28

Panibagong araw, kahit na alam ko na wala namang masyadong gagawin sa school dahil Intrams ay pumasok pa rin ako. Sayang din ang attendance, may extra points din iyon kaya kahit hindi pa masyadong maayos ang pakiramdam ko ay sumige pa rin ako sa pagpasok.

Nandito lang kami sa loob ng classroom, kung anu-ano ang ginagawa ng mga kasama ko rito. Kanya kanyang umpukan dahil umalis na rin naman agad ang professor namin.

“So, friend ano na ang status ninyo ni Direk Richard?” tanong sa akin ni Apz. Pandidilatan ko sana siya pero huli na, narinig na siya ni Ida.

“Status? Anong status?” takang tanong nito. Wala kasi siya noong Sabado kaya wala siyang idea kung ano ang nangyari that day.

“Wala lang iyon, huwag ka ngang maniwala diyan kay Apz. Nang-iintriga lang iyan.” Pagde-deny ko pa.

“Ah, so may lihimang nangyayari?” Kunwari ay may himig na pagtatampong sabi ni Ida, nakonsensya naman tuloy ako.<