AANCEO 46

Hindi ako pinansin ni ate matapos kong sabihin iyon. Nakakakonsensya pero dapat malaman niya.

Hindi pwedeng aagawan niya ako ng pwesto kay Rico.

Hindi ko rin alam bakit pero pag dating kay Rico ay lumalabas talaga ang pagkamadamot ko.

Ayaw kong ibahagi si Rico sa iba. Akin siya. Amin siya ng anak niya.

Nagkulong lang si ate sa kwarto at ako naman ay naglinis sa pwedeng malinisan kahit ang totoo ay malinis na ang buong bahay.

Nang makauwi si Rico, agad kong nakita na ubos na ang laman ng lunchbox niya. Nilagay niya iyon sa lamesa.

Tahimik lang ako. Pero deep inside, lumalipad na ang utak ko bakit naubos niya ang pabaon ni ate.

Nakita ko naman si ate na lihim na ngumiti habang nakatingin sa lunchbox. Kumuyom ang kamao ko.

"Hey," malambing na sabi ni Rico.

Yumakap siya sa akin at yumakap ako sa kaniya pabalik.

Lahat nalang ng kakainin ni Rico ngayon araw ay galing kay ate dahil nakatulog ako bandang hapon at dumidilim na no'ng nagising.

Hindi ako nakapagluto.

Kaya ang mga nakahain sa me