35

Ginawa nga ni Janella ang pagluto para sa lunch ni Diego at pumunta sa opisina, ginawa rin ni Diego ang pinangako niyang i-cancel ang mga meeting para lang makasabay si Janella sa lunch break. Lahat ng empleyado ng araw na iyon ay nagtataka kung bakit ibang-iba si Diego sa harap ni Janella samantalang sa kanila ay suplado. Siguro nga, nag-iiba ang isang tao kapag kaharap ang taong nagustuhan nila o ano pa. Hinayaan na lang nila iyon dahil mas nakakabuti rin naman na laging nasa mood si Diego para hindi sila mapagalitan.

"Ang sarap mo talaga magluto." Nakangiting sabi ni Diego kay Janella nang matapos silang kumain. Niligpit na ni Janella ang mga kalat at ibinalik ang mga tupperware sa dala niyang food bag.

Bumaling siya kay Diego na nakangiti rin. "Bagay na ba ako maging asawa mo?" pilyang tanong ni Janella. Nagulat naman siyang lumapit sa kanya si Diego at niyakap sa likuran, gusto niya sanang umiwas dahil nakaramdadam siya ng awkward ngunit napagtanto niyang sila lang dalawa sa