38

Nakangising nakatingin si Felicia kay Janella at nang makita ni Janella ang kanang kamay ni Felicia na may hawak na kutsilyo, bigla siyang kinabahan. Palapit nang palapit si Felicia sa kanya, paatras naman siya nang paatras hanggang sa wala na siyang maatrasan kundi pader na lang.

“What the hell are you doing, Felicia? Ibaba mo ang patalim!” sigaw ni Janella ngunit mas lalo lang natuwa si Felicia sa reaction ni Janella, takot na takot si Janella. “Please…ibaba mo ang kutsilyo, mag-usap tayo.” Kumapa si Janella ng bagay na malapit sa kanya at ang hinawakan niya ang upuan.

“Ang damot mo naman, hindi mo talaga ako sinabihan na ngayon ka na pala magpapakasal.” Hindi pa rin nawala ang ngisi na nakakatakot sa mukha ni Felicia. Noong isang araw niya lang nalaman kay Miss Pim na ngayon ang araw na ikakasal si Janella, nagalit siya dahil hindi siya sinabihan ni Janella. Matagal na silang hindi magkaibigan kaya dapat lang na hindi siya sabihan ni Janella.

“Alam ko namang hindi ka pupunta—”