37

Dumating ang araw ng kasal at lahat ng naibentahan ay maagang dumating sa venue. Sa dressing room, kasama ni Janella si Mina at ang kanyang ina. “Kailangan mo pa ba ng makeup? Maganda ka na,” sabi ni Mina. Natawa naman si Janella dahil sa pambobola ng kaibigan. “Sabagay, dapat ikaw ang pinakamaganda ngayong araw.” Nakangiting sabi ni Mina habang patuloy na inaayusan si Janella.

“Si Diego?” tanong ni Janella sa kanyang ina na kanina pa nakangiting tumitingin sa kanya. “Bakit, inay?”

Umiling ang kanyang ina at nilapitan siya. Tumingin si Mina sa kanila at nagpaalam na aalis muna dahil kailangan nilang mag-usap mag-ina. “Thanks, Mina.”

Nang makalabas si Mina, doon na tuloyang lumapit ang ina ni Janella sa kanya. Hinawakan ang kanyang balikat at sa salamin lang nakatingin. “Bakit paiyak ka na, inay? Hindi ka ba masaya na ikakasal na ako? Gusto mo bang i-cancel ko?”

“Crazy.” Hinampas niya si Janella at bahagyang natawa. Paanong naisip ni Janella na hindi na gusto ng kanyang ina ang ka