Chapter 109

RICO

Pinitik ako ni papa sa noo. Ang sakit!

“Tuwang tuwa ka pa na pinakaisahan niyo ni Lando ang kapatid mo?” tumingin si papa kay Lando, na agad na yumuko.

“Sorry ulit tito,” sabi ni Lando sa tabi ni Zeym.

“Oh ayan… Sige papa, pagalitan niyo ang dalawang iyan.” Sabi ni Zeym na ginagatungan si papa.

Sinamaan ko siya nang tingin pero pinitik lang ni papa ang noo ko ulit.

“Oh nasaan na ang tapang niyo kanina?” sabi ni Zeym.

Tumingin ako kay Sico na walang malay. Nasa couch siya. Matapos sabihin ng nurse kanina na na-cremate si Elizabeth ay bigla siyang nahimatay.

Maayos naman ang vitals ng gago. Ayaw lang niyang gumising.

“Papa masakit na,” reklamo ko. Nakita ko si Moni na kumakain ng ice cream at tinatawanan ako.

Bakit parang magkakampi sila dito sa bahay?

Si Elizabeth ay nasa tabi lang ni Sico, hawak ang kamay at pinupunasan ang pawis ni Sico gamit ang panyo.

“Linisin niyo ni Lando mamaya ang mga sasakyanan ko,” sabi ni papa sa akin na ikinalaki ng mata ko.

“Pa/tito?” saba