Chapter 88

CHAPTER 88: ONE OF THEM

"Kumalma ka muna, hija. Mas makakakilos ka ng maayos kung maayos din ang takbo ng isip mo!" pigil sa amin ni Mrs. Imelda, ang mama ni Nathan.

"Kailangan na po naming umalis. Baka madamay pa kayo at 'yong mga malapit dito," umiiyak pa ring paliwanag ko sa kanya at mas lalong nadurog ang puso nang biglang umiyak si Arvid na buhat-buhat niya.

"Mommy!" tawag niya sa akin kaya maingat siyang ipinasa ni Mrs. Imelda sa akin.

"O siya, tutulungan na kita. Pero tumahan ka muna. Nag-aalala rin ang anak mo sa iyong bata ka!" singhal nito.

Halatang sanay siyang maging nanay. E, ako? Ang OB-Gyn ko lang ang nagturo sa akin kung paano mag-alaga ng bata. Ginabayan din ako ni Mrs. Tan at Tita Ellise. Pero iba ang pag-aalala at pangaral ni Mrs. Imelda.

Nadagdagan tuloy ulit ng tanong ang isip ko. Handa na ba talaga akong maging ina? Kaya ko bang buhayin ng mag-isa si Arvid?

"Hija! Uminom ka muna ng tubig at huminga ng malalim," utos niya sa akin at inabutan ako ng tubig dahil ha