Chapter 87

CHAPTER 87: PAYAPA

"Kamusta po si Auntie Amelia?" iyon ang una kong itinanong kay Yaya Vi nang sa wakas ay ma-contact ko siya gamit ang number ni Nathan. Isang araw na ang nakalipas matapos ang mangyari kahapon.

Naka-turn off ang phone ko dahil ayaw kong maging dahilan iyon para ma-trace kung nasaan kami ngayon. Sa Probinsya nila Nathan ako nakikituloy dahil wala akong ibang lugar na mapupuntahan.

Batanes. Malayong-malayo ito sa Maynila. Tahimik din at payapa.

"Tapos na pong na-operahan, ma'am. Pero nasa ICU siya ngayon," nag-aalalang paliwanag niya kaya napahawak ako sa dibdib dahil kumirot na naman iyon. "Iyong sugatan naman pong tauhan, nagpapagaling na rin. Kayo po r'yan, ma'am? Kamusta kayo ni Baby Arvid?"

"Hindi ko na po alam ang gagawin ko," paglabas ko ng saloobin at hinayaan ang sariling umiyak ulit. "Natatakot ako para sa amin ni ni Arvid. Ayaw kong madamay siya."

Nasa gitna ako ng paghagulgol nang biglang namatay ang tawag mula sa kabilang linya. Kaagad kong inulit ang