Chapter 83

CHAPTER 83: CAUGHT

"May I dance with the most beautiful girl here tonight?"

Natigil ako sa pag-iisip nang may palad na naglahad sa akin at marinig ang boses ni James sa likuran ko. Nang lingunin ko siya ay nakangiti siya sa akin.

Mahina akong natawa nang tuksuhin ako ni tita at ni Clyde. "Sure!" pag-sang ayon ko at tumayo para sumama sa kanya.

"Sayang wala akong girlfriend!" rinig kong reklamo ni Clyde bago namin siya iwan sa table dahil niyaya rin ni Tito David si Tita Ellise na sumayaw.

May iba na rin kasing pares ang pumupunta sa entablado para sumayaw. Magkahawak kamay kami ni James nang pumunta roon pero nang makarating kami sa parteng gitna ay inilagay niya ang magkabilang kamay sa bewang ko at inilapit ako sa kanya. Napayuko ako dahil sa hiya bago ipinalibot ang magkabilang braso ko sa leeg niya.

"Do you have a boyfriend, Astrid?" tanong niya sa mismong tenga ko kaya nag-angat ako ng tingin at lumayo ng kaunti sa kanya.

Saglit akong napatigil sa pagsayaw kasabay sa ritmo niya