Chapter 82

(Author's Note: This chapter has been edited. Please remove the book from your library and add it again to access the updated chapter. Thank you!)

Nanatili akong nakatitig kay Nanay. Hindi pa rin ako makapaniwala. Nagkita na kami noon ni Liam sa mismong araw pa nang naaksidente sila ni Vanessa.

"Nagugulohan po ako, Nay. Bakit hindi ko po maalala na si Liam ang tinulongan ko dati?" Sabi ko sabay iling-iling ng aking ulo.

"Hindi ko rin alam kung papaano ipapaliwanag sa 'yo ng mabuti ang nangyari, Anak. Masyadong mabilis ang mga nangyari noon. Basta naisalba mo ang mga buhay nila bago sumabog ang sasakyan." Sagot ni Nanay. Humigpit ang paghawak niya sa aking kamay. "Tumilapon ka rin sa kalsada pagkatapos mo silang iligtas dahil sa lakas ng pagsabog. Akala ko noon ay mawawala ka na sa akin. Mabuti na lang at kaunti lang ang natamo mong sugat."

"Ang ibig ba sabihin nito, ikaw ang babaeng nakita ko bago ako nawalan ng malay noon?"

Bumaling ako kay Liam. Palipat-lipat ang paningin niya sa