Chapter 84

Gabi na at wala pa rin akong natanggap na tawag galing kay Liam. Hindi rin siya nag-text man lang sa akin. Iniisip ko na lang na baka naging busy siya.

Umupo ako sa kama ni Max. Pinagmasdan ko siya habang mahimbing nang natutulog. Hindi niya pa rin kami kinakausap. Hindi rin siya lumabas sa kuwarto niya para sabayan kaming kumain ng hapunan. Pinahatdan ko na lang siya ng pagkain kanina.

Hinawakan ko ang singsing na ibinigay ni Liam sa akin. Kapag maayos na ang lahat, sasabihin ko kay Max ang totoo. Wala ako balak na ilihim ang lahat sa kaniya. Ginagawa ko lang ito para ma-protektahan siya. Inayos ko ang kumot ni Max at tinabihan siya sa pagtulog. Hinalikan ko ang kaniyang noo bago ko ipinikit ang aking mga mata.

Tanghali na nang nagising ako kinabukasan. Masakit ang aking buong katawan. Agad akong bumangon nang wala na si Max sa aking tabi. Naglakad ako patungo sa aking kuwarto para gawin ang daily routine.

Tahimik ang buong sala pagbaba ko. Hinahanap ng aking paningin sina Britne